“Është gjendje alarmante”, Berisha: Rrogat dhe pensionet e ulëta, janë rritur vetëm pagat e zyrtarëve
26/12 21:02
Sali Berisha u rikthye në Qytet Studenti më një grup të rinjsh të të Partisë Demokratike për të kujtuar orët e para e nisjes e lëvizjes që shënoi ndarjen e dy epokave.
“Azem Hajdari me një grup syrësh u paraqitën në takim. Për çfarë po protestoni, i pyeti, Ramiz Alia? Nuk po protestojmë për një gotë çaj, z. President, iu përgjigj, Azem Hajdari. Po protestojmë për fatet e lirisë.”, tha Berisha.
Këtë kujtim, lideri i opozitës e ndau vetëm për demokratët e rinj, pasi familjare e Azem Hajdarit nuk ishin te pranishëm. Edhe pse vete atë kohë nuk ishte ne vijën e parë të lëvizjes studentore, Berisha u kthye pas në kohë edhe për veten.
“Më kërkuan, a mund të na përfaqësosh? Jo, u thashë, unë përfaqësoj Sali Berishën, por unë ju mbështes ju.”, shtoi kreu i PD.
3 dekada pas këtij episodi Sali Berisha flet për një diktaturë të re që sipas tij tentoi eliminimin e tij politik, ndaj dhe te rinjve u kërkoi ndihme për ta rrëzuar.
“Mafia ndërkombëtare e e Xhorsh Soros dhe Rama gjykuan se kishte vetëm një pengesë. Një politikan pothuaj pensionist, dhe ky ishte Sali Berisha, që kishte dhënë dorëheqjen 8 vite më pare. Tani kërkohet sulm, sulm dhe vetëm sulm.”, përfundoi Berisha.
Sali Berisha marshoi në të njëjtën rrugë të cilën 34 vite me pare e përshkuan studentet e lëvizjes së parë studentore për tu stacionuar poshtë zyrës se Edi Ramës. Pasi u vendosën flakën tri manekinëve që mbanin në fytyre foton e kryeministrit Rama, kryebashkiakut Veliaj dhe ministres Manastirliu u larguan.
Top Channel
