Plani amerikan kundër atij evropian, dy vizione të kundërta për paqen në Ukrainë 25/11 10:59
Një monument në nder të kreut të ndjerë të grupit mercenar të Rusisë Wagner, Yevgeny Prigozhin, është prezantuar sot në Republikën e Afrikës Qendrore (RAQ).
Statuja e Prigozhin dhe e krahut të tij të djathtë Dmitru Utkin, të cilët vdiqën të dy në një aksident të pashpjeguar ajror vitin që shkoi, u prezantua sot në kryeqytetin Bangui.
Prigozhin shihet me jelekun e tij anti-plumb dhe radion në gjoks, duke ecur pranë kolegut të tij që mban një kallashnikov.
Zhvillimi vjen teksa ushtarakët e grupit Wagner kane qenë në RAQ prej vitit 2018, kur u ftuan nga presidenti Faustin-Archange Touadéra për të goditur grupet rebele.
Më pas kompani të lidhura me grupin fituan kontrata minerare për kërkimin e diamanteve dhe floririt, shkruan rrejti BBC.
Agjenci ruse operojnë në shumë vende afrikane por me prezencë më të madhe në Republikën e Afrikës Qendrore.
Policia kombëtare vendore tha në një deklaratë se monumenti ishte pjesë e “lidhjeve bilaterale ” mes RAQ dhe Rusisë.
Ceremonia e prezantimit u drejtua nga ministri vendor i mbrojtjes dhe zyrtarë të larte te ushtrisë.
Prigozhin dhe Utkin vdiqën në avion në incidentin e 23 gushtit 2023, kur mjeti tyre privat u rrëzua në afërsi të Moskës duke vrarë të gjithë njerëzit në bord. Kjo ndodhi pas një rebelimi të deklaruar nga mercenarët ndaj pushtetit qëndror në Kremlin, i cili nuk zgjati shumë para se të tërhiqej.
Republika e Afrikes qendrore eshte nga vendet me te varfra ne bote.
Presidenti afrikan Touadéra mbronte prezencën e tyre në RAQ në dhjetor, duke thënë:
“Shumica e territorit ishte e pushtuar nga grupet e armatosura por sot falë bashkëpunimit me Rusinë kjo situatë është ndryshuar,” shkruante BBC.
Top Channel
