Qindra fëmijë ukrainas të dëbuar, raporti: Putin dhe zyrtarë të tjerë rusë janë të përfshirë 04/12 20:53
Ministri i Mbrojtjes i Koresë së Jugut, Kim Jong-hyun kërkoi falje sot dhe ofroi dorëheqjen pas përpjekjes së Presidentit Yoon Seok-gil për të vendosur ligjin ushtarak.
“Më vjen shumë keq dhe marr përgjegjësinë e plotë për konfuzionin dhe ankthin e shkaktuar në publik nga ligji ushtarak. Unw i kam ofruar dorëheqjen presidentit”, tha Kim në një deklaratë.
Banorët e nisën ditën normalisht, pasi presidenti i Koresë së Jugut Yun Su-yeol pezulloi ligjin ushtarak që ai kishte shpallur, duke i dhënë fund përpjekjes së tij për të ndaluar aktivitetet politike dhe për të vendosur censurën mediatike.
Megjithatë, shumë banorë të Seulit janë ende në gjendje shoku pas ngjarjeve, të cilat shkaktuan rënien e tregut të aksioneve të Koresë së Jugut, ashtu si edhe monedha kombëtare e vendit.
Koreja e Jugut ka qenë nën ligjin ushtarak rreth 10 herë që nga themelimi i Republikës së Koresë në vitin 1948, por hera e fundit ishte më shumë se katër dekada më parë kur gjenerali Chun Duhwan mori pushtetin dhe sundoi vendin që nga viti 1980 deri në vitin 1988.
Yun shpalli gjendjen ushtarake gjatë fjalimit të tij të transmetuar drejtpërdrejt në televizion rreth orës 22:30 (me orën lokale) të martën. Ai e pezulloi vendimin e tij pasi parlamenti refuzoi ofertën e tij për të pezulluar të gjithë aktivitetin politik dhe për të vendosur censurë të rreptë mediatike.
Top Channel
