FOTOT/ E buzëqeshur krah partnerit, Marigona shfaqet sërish aty ku u bë e famshme! “Vjedh” vëmendjen teksa ndjek skuadrën e zemrës
21/11 22:35
Ellen DeGeneres dhe gruaja e saj Portia de Rossi kanë marrë një vendim drastik për të lëvizur në Mbretërinë e Bashkuar pas fitores së Donald Trump në zgjedhjet presidenciale të SHBA-ve.
Çifti, i cili është martuar që nga viti 2008, ka vënë në shitje rezidencën e tyre të shtrenjtë në Montecito, Kaliforni, dhe ka vendosur të fillojë një jetë të re jashtë vendit, pa asnjë plan për t’u kthyer në SHBA.
Burime të afërta me çiftin kanë deklaruar se ata janë “shumë të zhgënjyer” nga rezultati i zgjedhjeve dhe fitorja e Trump, duke pasur parasysh që Ellen ishte një mbështetëse e fortë e Kamala Harris dhe kishte dhuruar 3,300 dollarë për fushatën e saj. Në një postim në Instagram, DeGeneres kishte shprehur mbështetje të madhe për Harris, duke e quajtur atë një “grua të fuqishme” dhe duke shprehur emocionin që kishte për mundësinë që ajo të bëhej presidente.
DeGeneres dhe de Rossi kanë një koleksion të pasur pronash, përfshirë vilën e tyre në Montecito, të cilën e blenë në vitin 2019 për 27 milionë dollarë.
Ato tani jetojnë në Cotswolds, një zonë luksoze në Anglinë Jugperëndimore, rreth dy orë larg nga Londra. Kjo zonë është e njohur për jetesën e yjeve të tjerë si David dhe Victoria Beckham, Kate Moss, Elizabeth Hurley dhe Jeremy Clarkson.
Top Channel
