“Shqipëria nuk ka plan B për në BE”, Rama në darkën e fundvitit me Trupin Diplomatik: Do t’u qëndrojmë vlerave dhe parimeve të komunitetit euroatlantik 24/12 18:29
Bashkë me mijëra tifozë shqiptarë në stadiumin Arena Kombëtare është edhe kryeministri Edi Rama, duke ndjekur ndeshjen Shqipëri-Çeki.
I pozicionuar në trubinën VIP, krah tij shihet presidenti i Federatës Shqiptare të Futbollit, Armand Duka dhe ministri për Evropën dhe Punët e Jashtme, Igli Hasani.
Rama është fotografuar i buzëqeshur, ndërsa bën tifo me shpresën që Shqipëria të dalë fitimtare në këtë ndeshje të Ligës së Kombeve.
Pjesa e parë e ndeshjes ka përfunduar me rrjeta të paprekura nga të dyja skuadrat, ndërsa Kombëtarja jonë synon objektivin që është vendi i parë në grup.
Në dy sfidat e kaluara, kuqezinjtë morën një humbje, pikërisht me Çekinë në Pragë dhe një fitore me Gjeorgjinë në transfertë, me këtë të fundit që i ngriti moralin skuadrës së Sylvinhos.
Drejtësi në këtë do të vendosë zvicerani Sandro Schärer, teksa në ndihmë do t’i vijnë bashkëkombësit e tij Stéphane De Almeida dhe Jonas Erni në krahë, ndërsa Johannes von Mandach si i katërt. Gjithashtu dy zviceranë të tjerë janë zgjedhur për të qenë në dhomën e VAR, Fedayi San dhe Lionel Tschudi.
Top Channel
