Banka Qendrore e Anglisë, thirrje për afrim me BE: Të mbështesim tregtinë e lirë 15/11 09:47
Ministrja e Barazisë Gjinore në Suedi, Paulina Brandberg ka një fobi të padëgjuar më parë.
Tabloidi suedez Expressen zbuloi të mërkurën se zyrtarët qeveritarë kanë siguruar paraprakisht që të gjitha vendet e frekuentuara nga ministrja të jenë pa banane.
Kjo është kërkuar, siç raportojnë mediat e huaja për shkak të fobisë së fortë të ministres ndaj frutave të verdhë.
Në disa emaile të parë nga Expressen dhe të përshkruara dhe të cituara në raportin e tij, stafi i Brandberg kërkon në mënyrë specifike që çdo banane të hiqet përpara vizitave zyrtare.
“Paulina Brandberg ka një alergji të fortë ndaj bananeve, kështu që do të vlerësohej që nuk ka banane në zonat ku ajo do të qëndrojë”, thuhet në një nga emailet e ministrisë drejtuar Agjencisë Gjyqësore Norvegjeze përpara një dreke VIP e cila u prit me një përgjigje pozitive.
Një tjetër email nga ekipi i Brandberg dërguar një bordi administrativ të qarkut thoshte se “nuk lejohen banane në ambiente”.
Në një paralajmërim tjetër paraprak, stafi i saj i tha kryetarit të parlamentit suedez Andreas Norlén se nuk duhet të ketë “gjurmë bananesh” në hapësirat që do të ishte Brandberg gjatë një takimi.
Vetë ministrja pranoi se kishte një fobi ndaj bananeve në disa postime në X në 2020, të cilat duket se janë fshirë pasi lajmi u publikua këtë javë.
“Unë kam një fobi nga bananet”, shkroi Brandberg në një postim më 11 shtator 2020, ndërsa në një tjetër më 6 gusht 2020 ajo tha se është “fobia më e çmendur në botë”.
Top Channel
