Inside Story/ Gruaja e divorcuar: Më ngacmojnë në vendin e punës…

611 persona janë arrestuar për dhunë në familje. Që nga viti 2010, në Shqipëri janë vrarë 159 gra, që përbën një shifër të frikshme.

Pajisja me urdhër mbrojtje e fut një grua në sistemin e referimit, në mënyrë që ajo të përfitojë mbështetje. Marta që nuk ka ndjekur këtë rrugë, për shkak të mosbesimit, rropatet ta sigurojë vetë gjithçka. Qiranë e shtëpisë, kujdesin ndaj fëmijëve, plotësimin e nevojave të tyre, shpeshherë me koston që të nesërmen të mos ketë asnjë lek në xhep.

‘Librat ende s’ua kam plotësuar por ditëlindjet gjithmonë ua festoj. E nis ditën e nesërme pa lekë por nuk më intereson’ u shpreh Rovena, grua e dhunuar.

‘Ajo që ndodh rëndom në Shqipëri është që femrat ngacmohen në vendin e punës, sidomos gratë e divorcuara që konsiderohen një pre e lehtë’ u shpreh më tej ajo.

Pra, jo vetëm diskriminim në vendin e punës, por edhe ngacmime mënyrë seksuale.

Dhuna në familje është bërë krimi më i zakonshëm në Shqipëri. Sipas të dhënave të Policisë së Shtetit çdo vit raportohen mesatarisht 5 mijë raste të dhunës në familje, ose 13 raste çdo ditë. Këto shifra, janë vetëm ato që raportohen pasi fenomeni është edhe më i gjerë.

Viti 2021 ka qenë viti, i cili ka shënuar numrin më të lartë të rasteve të dhunës me 5312 të tilla. Gjysmat e këtyre rasteve i përkasin Tiranës, me rreth 2200 raste të denoncuara ose mesatarisht 6 raste në ditë.

‘Nga hyrja në fuqi nga viti 2006 ka një statistikë gati zyrtare ku 30mijë perona janë viktima të dhunës në familje. Gati 80% e tyre janë gra, bashkëjetuese, apo dhe nënës apo motrës të dhunuar nga një anëtar i familjes. Janë burra duke nisur që nga shkaqe apo arsye pronësie deri tek dhunë në familje në kuptimin e plotë të aty për atyshme’ u shpreh gazetarja, Anila Hoxha.

Top Channel