Trump shprehu dëshirën për të blerë Groenlandën, vjen menjëherë reagimi i Danimarkës 24/12 18:44
Një urë e Luftës së Dytë Botërore e ndërtuar dikur nga ushtria naziste në kryeqytetin Beograd, është mbyllur sot për qarkullimin në prag të prishjes nga autoritetet.
Mbyllja e urës u bë megjithë kritikat e komunitetit për pengesë të mëtejshme të transportit në qytet si dhe vlerat historike të objektit.
Ura mbi lumin Sava në qendër të Beogradit u ndërtua në 1942 në nga ushtria pushtuese naziste prandaj njihet nga vendasit si “Ura Gjermane”.
Dhjetra banorë vendas krijuan një iniciativë për mbrojtjen e urës dhe bllokuan kamionët që përpiqeshin të shkarkonin blloqe betoni në hyrjet e saj.
Ata tentuan gjithashtu të ndalojnë grupet që po shkëpusnin linjat elektrike të tramvajit në urë, duke thënë se është një simbol i qytetit, dhe se mbyllja e saj do të përkeqësojë edhe më shumë trafikun e rënduar në qytet.
“Trafiku do të bllokohet krejtësisht, kjo nuk ka logjikë,” tha Djordje Miketic, një nga organizatorët e protestës, për rrjetin AFP.
Kryebashkiaku Aleksandar Sapic, nxitësi kryesor i shkatërrimit, tha se “një urë e re serbe” do të ndërtohet në vend të saj.
Ura mbi Sava ishte një nga kalimet e pakta që ushtria gjermane la pa shkatërruar gjatë tërheqjes së tyre nga Evropa juglindore në 1944, shkruan rrjeti Deutche Welle.
Top Channel
