Rusia vijon bombardimet në Ukrainë, 2 të vdekur dhe 12 të plagosur nga sulmet me dronë në Sumi 22/11 10:58
“Ti nuk je Mbreti im”, kjo ishte thirrja e politikanes australiane në Dhomën e Parlamentit të Australisë, ku Charles merrte pjesë.
Mbreti Charles u përball me thirrjet nga senatorja e pavarur menjëherë pasi ai përfundoi fjalimin, në ditën e dytë zyrtare të angazhimeve të tij në vend.
Lidia Thorpe ndërpreu ceremoninë në kryeqytetin e Kanberrës duke bërtitur për rreth një minutë përpara se të largohej nga siguria.
Mbreti sapo ishte larguar nga foltorja dhe po i bashkohej mbretëreshën Camilla, e cila ishte e ulur në skenë kur Thorpe filloi të bërtiste.
Pasi bëri pretendime për gjenocid kundër “popullit”, ajo dëgjohej duke bërtitur: “Kjo nuk është toka jote, ti nuk je mbreti im”.
Ceremonia u mbyll më pas pa asnjë referencë për incidentin dhe çifti mbretëror vazhdoi të takonte publikun që kishte pritur jashtë ndërtesës për t’i përshëndetur.
Thorpe, e cila është një senatore e pavarur dhe një grua aborigjene australiane, ka mbrojtur prej kohësh një traktat midis qeverisë së Australisë dhe banorëve të saj të parë.
Australia është e vetmja ish-koloni britanike pa një të tillë, dhe shumë aborigjenë dhe banorë të ishullit të ngushticës Torres theksojnë se ata kurrë nuk ia kanë dorëzuar sovranitetin ose tokën e tyre Kurorës.
Top Channel
