Jepet masa arrest me burg për 14-vjeçarin që vrau me thikë Martin Canin 22/11 11:00
Liverpooli gjunjëzon Chelsea dhe qëndron në krye të klasifikimit të Premier League angleze.
Në Anfield skuadra e The Reds iu imponua bluve të Londrës duke i mundur me rezultatin 2-1.
Në fazat e para, sfida ishte e bllokuar ku asnjë prej skuadrave nuk merrte iniciativën. Por pak minutës së 30 Liverpooli pati shansin për të shënuar kur fitoi një 11 metërsh me Jones, dhe Salah e shfrytëzoi në maksimum këtë mundësi duke i dhënë avantazhin 1-0 Liverpoolit dhe me këtë rezultat u mbyll pjesa e parë e sfidës.
Pas pushimit të ndeshjes Chelsea riktheu ekuilibrin teksa barazoi shifrat në 1-1 me Nicolas Jackson. Por ky barazim zgjati shumë pak pasi Liverpool shumë shpejt u rikthye në avantazh dhe këtë radhë shënoi pikërisht Curtis jones pas asistit të Salah. Londinezët u përpoqën të reagonin, por me kalimin e minutave energjitë e tyre ranë dhe në fund fitorja i shkoi Liverppoolit që ngjitet në 21 pikë, ndërsa Chelsea mbetet me 14 pikë.
Manchester City arrin të marrë maksimumin në ndeshjen e javës së 8 të Premier League. Në Molineux Stadium skuadra kampione e Anglisë fitoi me shumë vështirësi ndaj Ëolverhamptonit me rezultatin 2-1 dhe shkon në 20 pikë duke iu shkëputur Arsenalit që ka mbetur me 17 pikë.
Ishte Wolverhampton ai që e nisi në mënyrën më perfekte ndeshjen teksa që në minutën e 7 mori avantazhin me Strand Larsen. Citizens reagoi dhe në minutën e 33 arriti të barazojë rezultatin në 1-1 falë një eurogoli të Gvardiol dhe me barazimin 1-1 u mbyll pjesa e parë. Në 45 minutat e dyta, Wolverhampton u mbrojt në cfarëdo lloj mënyre, por në minutën e 95 u dorëzua pas një gjuajtje me kokë të Stones që shënoi golin e fitores 2-1 të Manchester City.
Top Channel
