Krah Ramës, Orban flet për çështje të rëndësishme! Nga Trump si president i SHBA te armëpushimi apo paketa për Ukrainën 07/11 19:25
Trojka e ambasadorëve të Bashkimit Europian, SHBA dhe Britanisë së Madhe në Tiranë, me një zë të unifikuar artikuloi nevojën e forcimin të pavarësisë të institucioneve të pavaruara në vendin tonë, si dhe shtimin e transparencës të tyre të brendshme.
Sikurse theksuan respektimin nga kuvendi të vendimeve të marra nga gjykata kushtetuese.
“Ne mbështesim përpjekjet për rritjen e bashkëpunimit dhe pavarësisë së këtyre institucioneve. Institucionet e pavarura duhet të forcojnë mbikëqyrjen e tyre, llogaridhënien dhe të veprojnë me integritet. Në shkurt të këtij viti Kryeministri Edi Rama dhe presidenti Blinken diskutuan sesi të garantojnë institucionet demokratike shqiptare të bëhen më llogaridhënëse për qytetarët shqiptarë, dhe SHBA është e gatshëm të mbështesë për këtë gjë”, tha e dërguara me punë në SHBA, Kathryn Hammond.
“Vendimet e Gjykatës Kushtetuese duhet të respektohen siç nxirren nga ato dhe kjo është thelbësore në një shtet demokratik. Për Reformën në Drejtësi parlamenti mund të luajë një rol kyç për mos kthimin pas të këtyre reformave për të konsoliduar më tej implementimin në harmoni me të gjithë detyrimet që Shqipëria ka në rrugën drejt BE-së. Këto reforma duhet të shoqërohen dhe plotësohen nga përpjekjet për të parandaluar korrupsionin dhe krimin e organizuar dhe korrupsionin në qeveri”, u shpreh kreu i Delegacionit Britanik në Tiranë, Silvio Gonzato.
Nicholas Abbott, ambasadori i Mbretërisë së Bashkuar tha: “Ne ju inkurajojmë në forcimin e rolit të institucioneve të pavarura si një mundësi për të ushtruar autoritetin tuaj duke ngritur zërin në në reformat mbështetëse dhe rrugën tuaj drejt BE-së. Nevojitet bashkëpunim i fuqishëm ndërmjet dhe vetë institucioneve të pavarura dhe parlamentit në mënyrë që të garantohet balanca dhe efikasiteti në qeverisje. Ne sugjerojmë që institucionet e pavarura të shikojnë në përmirësimin e reformave dhe praktikave për të pasur një qasje më të madhe. Për sa i takon rekomandimeve të brendshme, nevojitet që t’i ndiqni këto rekomandime për të përmirësuar qeverisjen, fuqizimin e institucioneve të pavarura që është një aspekt kyç i Shqipërisë”.
Trojka e ambasadorëve i bëri këto komente gjatë një takimi organizuar prej Elisa Spiropalit kryetare kuvendit nga ku u bënë bashkë drejtuesit e institucioneve të pavarura.
Ajo u angazhua në çuarjen përpara të transparencës përmes platformës ndër institucionale Kuvend-Qeveri-Institucione të Pavarura.
Pandëshkueshmëria si kulturë dhe status, si imunitet dhe epërsi theksoi zonja Spiropali, është goditur në mënyrë të pakthyeshme
“Është bërë shumë, por ndoshta po aq shumë nevojitet të bëhet për të garantuar procesin e dhënies së drejtësisë në mënyrë kapilare për qytetarin shqiptar kudo, përtej çdo dileme dhe në mënyrë sa më të shpejtë të mundshme. Kjo nuk është thjesht një detyrë ky është një mision, ku si ndoshta askund tjetër marrëdhënia e Kuvendit me institucionet e pavarura të drejtësisë duhet të jetë e qëndrueshme, dinamike, reciproke dhe secili ën kufijtë e vet të ushtrimit të pushtetit siç dikton Kushtetuta”, u shpreh Spiropali.
Deputetja e opozitës Ina Zhupa, ndau këtë shqetësim: “Nuk u respektua vendimi kushtetueses me rastin Xhaçka dhe te tjera vendime”.
Kreu delegacionit të BE gjatë një ndërhyrje të dytë deklaroi: “Pa institucione të pavarura të drejtësisë nuk ka drejtësi të pavarur. Kriteret si llogaridhënia dhe transparenca nuk mund të përdoren si kosto të pavarësisë. Ato janë mekanizma të brendshëm për të rritur këto cilësi”, shtoi Gonzato.
Top Channel
