Zonja e parë e Brazilit ofendon rëndë Elon Musk gjatë mbledhjes së G20 (fotot)
18/11 18:10
Të paktën dy njerëz kanë vdekur pasi dy trena pasagjerësh u përplasën me njëri-tjetrin pranë deltës së lumit Nil në Egjipt.
Aksidenti rëndë ndodhi në qytetin Zagazig, qendra e provicnës Sharqiya, njoftonin në një deklaratë autoritetet hekurudhore.
Video nga vendngjarja tregonin vagonët e shtypur nga përplasja ndërsa turma njerëzish ndihmonin për të nxjerrë të plagosurit nga dritaret.
Ministria egjiptiane e shëndetësisë tha se 29 njerëz ishin plagosur në përplasje ndërsa shkaqet e aksidentit ende nuk janë bërë të ditura.
Për fat të keq daljen e trenave nga binarët janë raportuar rregullisht nga Egjipti prej amortizimit të sistemit hekurudhor dhe keqmenaxhimit, shkruan rrjeti britanik The Sun.
Në 2018 presidenti Abdel Fattah el-Sissi tha se 250 miliardë paundë egjiptianë ($8.13 miliardë) nevojiten për riparimin e sistemit të transportit hekurudhor në vendin madhor afrikano-verior.
Aksidenti i sotëm vjen pas atij të muajit të kaluar në bregdetin mesdhetar egjiptian të Aleksandrisë ku përplasja e trenit me një automjet la dy të vdekur./TheSun/
Top Channel
