VIDEO/ Momente paniku në ajër, avioni goditet nga stuhia tropikale 17/09 22:50
“Rusia filloi konfliktin në Ukrainë dhe mund ta përfundojë atë menjëherë”, ka thënë Sir Keir Starmer.
Kjo vjen pasi presidenti rus Vladimir Putin sugjeroi se Moska do t’i konsideronte raketat perëndimore që hidheshin në Rusi si një përshkallëzim serioz të luftës.
Putin i tha televizionit shtetëror rus se kjo nuk do të thoshte asgjë tjetër përveç pjesëmarrjes së drejtpërdrejtë të vendeve të NATO-s, SHBA-së dhe vendeve evropiane në luftën në Ukrainë.
Sir Keir është në Uashington për bisedime me presidentin amerikan Joe Biden të premten, ndërsa aleatët e Kievit diskutojnë për t’i dhënë Ukrainës lejen për të gjuajtur raketat e tyre në objektivat brenda Rusisë.
“Është pjesëmarrja e tyre e drejtpërdrejtë dhe sigurisht, kjo ndryshon thelbësisht vetë thelbin, natyrën e konfliktit”, tha ai.
Kryeministri britanik shtoi: “Nëse është kështu, ne do të marrim vendimet përkatëse bazuar në kërcënimet që do të na krijohen”.
I pyetur për përgjigjen e tij ndaj komenteve në fluturimin e tij për në Uashington, kryeministri pati një ton të fortë në mënyrë të përsëritur duke deklaruar se Rusia e kishte filluar luftën.
“Rusia filloi këtë konflikt. Rusia pushtoi ilegalisht Ukrainën. Rusia mund ta përfundojë këtë konflikt menjëherë. Për të përsëritur, ishte Rusia që e filloi këtë në radhë të parë. Ata e shkaktuan konfliktin, janë ata që veprojnë në mënyrë të paligjshme”, tha Starmer.
Të dielën, një ditë pas kthimit të kryeministrit nga Uashingtoni, ai do të fluturojë drejt Romës për të takuar kryeministren italiane, Georgia Meloni. Italia aktualisht mban presidencën e radhës të grupit G7 të vendeve të industrializuara.
Një javë më vonë liderët botërorë do të mblidhen në Nju Jork për Asamblenë e Përgjithshme vjetore të OKB-së.
Top Channel
