Rama publikon pamjet nga ura e re e Kukësit, kryeministri ka një lutje: Ata që thanë se u ndryshk, ju lutem shani sa më shumë se plas syri i keq 04/11 19:04
Ndërkohë që Shqipëria është futur tashmë, në një vit elektoral retorika dhe veprimet politike sidomos të opozitës duhet të shfaqeshin luftarake por për momentin është duke ndodhur e kundërta.
Edhe njëherë tjetër nga Këshilli Legjislacionit ku është diskutuar mandati socialistes Olta Xhaxhcka u dëshmua se shumica socialiste dhe opozita janë të prirur të dakortësohen siç edhe ndodhi me vendimet e marra nga parlamenti sesionin e shkuar.
Që në nisje të Këshillit të Legjislacionit drejtuar për herë të parë sipas rotacionit nga demokratja Dhurata Çupi socialistët dhanë sinjalet e para për ti dhënë dritë jeshile çuarjes përsëri në kuvend të mandatit të koleges së tyre.
Në tilla kushte kur kjo mbledhje mund të zgjaste vetëm pak minuta, Gazment Bardhi i cili ka udhëhequr betejën e heqjes së mandatit të ish ministres së punëve të jashtme për mos të bërë spektatorin dhe thjesht aprovuesin e vendimit të socialistëve, tentoi të krijojë një klimë debati.
Këshilli Legjislacionit vendosi që saga e mandatit të Olta Xhackës të vijojë në seancën e 12 Shtatorit në parlament.
Ndërkohë ish kryetari grupit parlamentar socialist Bledi Çuçi disa javë më parë u shpreh se socialistët po shikojnë mundësinë e çuarjes së vendimit të kushtetues për interpretim Komisionit të Venecias.
Në seancën e 12 Shtatorit pritet për tu parë nëse socialistët do të avancojnë me idenë e marrjes opinion nga Venecia.
Pjesë nga debati:
Çupi: Kuvendi ka detyrimin që të votojë për dërgimin e këtij mocioni në Gjykatën Kushtetuese, si mënyra e vetme për zbatimin e vendimit të Gjykatës Kushtetuese dhe mënyra e vetme e zgjidhjes së këtij konflikti kompetencash. Kryetarja e Kuvendit duhet të informojë Kuvendin se duhet të vendosë dërgimin në Gjykatën Kushtetuese të mocionit për papajtueshmërinë e mandatit të deputetes Olta Xhaçka, pa vonesa, për t’i hapur rrugë ushtrimit nga Gjykata të kompetencave të saj kushtetuese.
Çupi: Kuvendi nuk ka hapësirë për interpretimin e normave kushtetuese, pasi nuk është në pozitat e interpretuesit të parë dhe origjinal të tyre, për sa kohë që për çështjen konkrete është shprehur Gjykata Kushtetuese, e cila në vendimmarrjen e saj ka konstatuar se mocioni i jo më pak se 1/10-ës së deputetëve plotëson kriteret juridiko-formale për vënien e saj në lëvizje nga Kuvendi, ndaj ky i fundit nuk ka pasur hapësirë për të vlerësuar sërish ato.
Bushka: Për të ecur me ekzekutimin e Gjykatës Kushtetuese kryetares i propozohet shkurtimisht që ky projekt vendim të përfshihet në seancën plenare më të afërt.
Kryetari i Grupit të PD-së Gazment Bardhi tha se mazhoranca ka sfiduar Gjykatën Kushtetuese dhe shtetin ligjor.
Bardhi: Edi Rama nëpërmjet Olta Xhaçkës, po mbron korrupsionin dhe po i jep mesazh drejtësisë se nuk mund të marrë vendime pa lejen e tij, ndryshe ato nuk zbatohen.
Bardhi: Refuzim i Kuvendit për zbatimin e vendimit të Gjykatës ka çuar në krijimin e një krize kushtetuese që cenon themelet e shtetit demokratik, humb besimin e publikut te shteti dhe vendos në diskutim edhe vetë rolin e Gjykatës Kushtetuese.
Bardhi: Mbrojtja e Olta Xhaçkës dhe sfidimi i drejtësisë, është mesazhi më negativ që mund të jepët për një vend që pretendon të jetë demokratik, vend kandidat për në BE dhe vend anëtar i NATO-s.
Bardhi: Gjykata Kushtetuese e detyron Kuvendi e Shqipërisë për dërgimin në Gjykatën Kushtetuese të mocionit për papajtueshmërinë e mandatit të Olta Xhaçka dhe për pasojë Kuvendi ka detyrimin që të votojë menjëherë për dërgimin e këtij mocioni në Gjykatë.
Bardhi: Pretendimi i mazhirancës që deputetët janë të lirë të votojnë si të duan është antikushtetuese. Deputetët nuk janë mbi Kushtetutën dhe ligjin.
Bardhi: Keni kryer krim. Moszbatimi i një vendimi të GJK është vepër penale.
Top Channel
