Sulmohet shtëpia e Netanyahu-t, dy raketa bien në oborrin e rezidencës së kryeministrit izraelit 16/11 22:45
Pas kërkimeve të shumta, të premten e 23 gushtit u gjet dhe trupi i fundit nga mbytja e jahtit në Siçili, që ishte i vajzës së Mike Lynch, 18-vjeçares Hanna.
Pasi u konfirmua nga autoritetet italiane, të afërmit dhe miqtë e saj reaguan për ndarjen e parakohshme nga jeta të 18-vjeçares, të cilën e quanin si një vajzë inteligjente, të sjellshme dhe me një të ardhme të ndritur përpara.
Hannah sapo kishte fituar testin e nivelit A në gjuhën angleze dhe këtë vit do të niste studimet në Universitetin e Oksfordit.
Jon Mitropoulos-Monk, kreu i gjuhës angleze në shkollën e lartë Latymer, ku ajo studioi, tha: “Unë kurrë nuk kam njohur dikë që ka kombinuar aftësinë intelektuale me ngrohtësinë dhe entuziazmin, ashtu si Hannah. Ajo ndriçoi klasën me energjinë e saj, pasionin për të mësuar dhe inteligjencën e plotë, megjithëse kurrë me një nuancë arrogance.
Në moshën 16-vjeçare, ajo kishte lexuar Joyce, Faulkner and Nabokov… Ajo e donte letërsinë, mësimin dhe jetën. Ajo ishte shumë e emocionuar që do të studionte anglisht në Oksford, një qëllim për të cilin kishte punuar kaq shumë. Kur ajo fitoi vendin e saj, Hannah kërkoi çdo anëtar të departamentit të lartë të anglishtes Latymer për t’i falënderuar ata individualisht!”, përfundoi ai.
“Kur mendoj për të, mendoj për poezinë, rrezet e diellit dhe sytë e saj të bukur. Ajo ishte e lehtë për t’u dashur. E sinqertë, e përkushtuar, jashtëzakonisht inteligjente dhe vërtet e sjellshme. Do ta kujtoj gjithmonë duke buzëqeshur”, tha mikesha e 18-vjeçares.
Krahas Hannah dhe Mike Lynch, të tjerët të vrarë në incident ishin kryetari i Morgan Stanley International, Jonathan Bloomer dhe gruaja e tij, Judy; Chris Morvillo, një avokat i Clifford Chance, dhe gruaja e tij, Neda dhe shefi i jahtit, Recaldo Thomas.
Top Channel
