Në Spanjë janë të bindur, ylli i Liverpool do transferohet te Reali i Madridit 28/12 17:06
Ai është 20 vjeç, ai është një mbrojtës dhe do të luajë për Sporting Club Trestina në Serinë D. Ai është Felipe Bergoglio, një futbollist i ri, mbiemri i të cilit lë pak dyshime.
Ai është stërnipi i Papës dhe tregoi historinë e tij, mes futbollit dhe një takimi të ardhshëm me Papatin, në gazetën “La Nazione”.
“Të jesh Bergoglio është një nder, për mua nuk është aspak barrë të mbaj këtë mbiemër.” Kështu tha i riu Felipe Bergoglio, stërnipi i Papa Françeskut në një intervistë për gazetën “La Nazione”.
Mbiemri i Felipes, padyshim, nuk kalon pa u vënë re dhe aq më pak me shokët e tij të skuadrës që shpesh kërkojnë bekim para çdo ndeshjeje nga stërnipi i ri i Papës. “Do ndodhë edhe kur lëndohen!”, tha mbrojtësi.
Një takim me Papa Françeskun , megjithatë, nuk ka ndodhur ende. “Unë dhe motra ime duhet ta bëjmë akoma, jemi të rinj, planifikojmë të arrijmë në Romë në muajt e ardhshëm dhe ta takojmë personalisht. Mezi pres, jam i sigurt se do të jetë një emocion i madh. Babai im më tha se Papa Françesku pyet shpesh për familjen tonë dhe dëshiron të dijë gjithçka”, tha Felipe.
Top Channel
