Një vatër zjarri është shfaqur paraditen e sotme në vendin e quajtur Guri i Nënshtegut në afërsi të Thethit.
Menjëherë pranë vatrës së zjarrit janë nisur mjete zjarrfikëse nga Shkodra, teksa në ndihmë kanë ardhur dhe banorët e zonës.
Në koordinim me strukturat e emergjencave civile në Prefekturën e Shkodrës në drejtim të Thethit është nisur edhe një grup prej 30 ushtarësh për të qenë pjesë e operacionit për shuarjen e kësaj vatre zjarri.
Zjarri po përhapet me shpejtësi, kjo falë erës që favorizon flakët. Puna është përqendruar në izolimin e vatrës së zjarrit me qëllim që të mos krijojë rrezikshmëri për bujtinat dhe banesat në zonën e Thethit.
Top Channel
