Akuzat për falsifikim të të dhënave të biznesit, shtyhet pa afat vendimindaj Donald Trump 22/11 18:56
Kryeqyteti Kiev
Agjencia e vlerësimit të kreditit financiar Fitch Ratings tha dje se ka ulur vlerësimin e Ukrainës në RD (falimentim i kufizuar/ restricted default) pas skadimit të afatit të fundit 10-ditor për pagesën e radhës të Eurobondit 2026 prej $750 milionë, më 1 gusht.
Zyrtarët e Fitch thanë se parlamenti i Ukrainës ka miratuar ndalimin e përkohshëm të pagesave të borxi të huaj deri në një marrëveshje ristrukturimi me kreditorët, ndërsa shtonte se më 9 gusht është kërkuar ristrukturim i borxhit të jashtëm të vendit prej rreth $19.7 miliardë në Eurobonde.
“Sipas pikëpamjes së Fitch, oferta e këmbimit të borxhit është në fakt një masë e dëshpëruar pasi kërkon reduktime materiale të interesit dhe zgjatje të kohës së maturimit”, thonin financierët, sipas agjencisë turke Anadolu.
Vlerësimi i Fitch ‘RD’ tregon dështim të pagesave të detyrimeve financiare, pa hyrë ende në procedurat e falimentimit, ndërsa paralajëmronte të tjera ulje të vlerësimit nëse nuk kryen pagesat e borxhit të jashtëm, të cilat diktojnë sjelljen e investitorëve apo të institucioneve financiare ndaj vendit.
Agjencia tjetër amerikane S&P Global kishte reduktuar vlerësimin e Ukrainës në falimentim ‘selektiv’ para një jave.
Top Channel
