Vijojnë diskutimet për armëpushim mes Izraelit dhe Gazës në Doha, zyrtarët palestinezë: Bisedimet janë 90% të përfunduara 25/12 22:52
Pas tronditjes që shkaktoi rrëzimi i një avioni me 61 persona në bord në një zonë banimi të Vinhedo, një qytet në shtetin brazilian të Sao Paulo, tani autoritetet po përpiqen të zbulojnë arsyet e tragjedisë.
Aksidentit nuk i mbijetoi asnjë nga 57 pasagjerët dhe 4 anëtarët e ekuipazhit në bord. Rrëzimi i tij dhe zjarri që e pasoi shkaktuan dëme në një shtëpi në një kompleks banimi por jo viktima në mesin e atyre që ndodheshin në atë moment në zonën e përplasjes së ATR 72-500. Sipas zyrtarëve, hipoteza më e mundshme deri tani është ajo e akullit. Rezulton të ketë pasur një paralajmërim meteorologjik për akull në lartësinë deri në 6.400 metra mbi nivelin e detit dhe përpara aksidentit, ATR po fluturonte në 5.200 metra lartësi, sipas mediave të huaja.
Akulli është i rrezikshëm sepse përveçse rëndon avionin, ai nxjerr jashtë funksionit edhe disa prej sistemeve të tij. Një ekspert i aviacionit civil sakaq, kapiteni Ross Aimer, mendon se duhet parë edhe mundësia e një problem në motor, një keqfunksionim i pajisjeve të fluturimit apo humbja e një pjese të rëndësishëm të avionit në ajër, si psh rënia e një pjese të krahut.
Një video-regjistrim i postuar në rrjetet sociale tregoi pamjet e një avioni, si duket të prodhimit ‘ATR’, ndërsa humb kontrollin dhe bie në afërsi të disa shtëpive. Sasi të madhe tymi u ngritën pas rrëzimit të tij.
Vlerësimet e para teknike flasin për një “rrotullim të sheshtë”, te mjetit, një dinamikë kjo në të cilën avioni rrotullohet rreth vetes, ndërsa hunda dhe bishti rrotullohen rreth një boshti horizontal, pa iu përgjigjur ndërhyrjes së pilotëve. Sipas ekspertëve, një situatë e tillë lë shumë pak kohënë dispozicion për të reaguar.
Top Channel
