Analiza/ Si e sheh botën Marco Rubio, i zgjedhuri i Trumpit për sekretar të Shtetit? 13/11 22:43
Një polak është deklaruar i pafajshëm për goditjen me grusht të kryeministres së Danimarkës, duke thënë se ai ishte shumë i dehur për të kujtuar incidentin.
I dyshuari, emri i të cilit nuk mund të përmendet për shkak të kufizimeve ligjore, ka dalë në gjyq në kryeqytetin danez, Kopenhagen, i akuzuar për dhunë ndaj një nëpunësi publik, si dhe për disa akuza për ekspozim të pahijshëm dhe mashtrim në lidhje me incidente të tjera, sipas BBC.
Ai është deklaruar fajtor për disa nga akuzat e tjera dhe mund të përballet me një dënim me burg dhe dëbim.
Kryeministrja Mette Frederiksen pësoi lëndime të lehta në qafë dhe në shpatull si pasojë e sulmit, i cili ndodhi vetëm tri javë pasi kryeministri sllovak Robert Fico u plagos rëndë në një atentat.
39-vjeçari polak tha në gjykatë se kishte kaluar një ditë të keqe kur u përball me zonjën Frederiksen në Kopenhagen në qershor, vetëm dy ditë para zgjedhjeve të Parlamentit Evropian.
“Unë jam duke qëndruar ballë për ballë me zonjën kryeministre, [atëherë] nuk më kujtohet asgjë tjetër derisa u arrestova”, tha ai, cituar nga agjencia e lajmeve AFP.
Frederiksen, e cila u godit me grusht në shpatull, mundi të largohej nga vendi i ngjarjes pa ndihmë.
Ajo tha në atë moment se ishte “tronditur” nga ngjarja, por ishte “mirë”. Kryeministri u dërgua në spital për një kontroll dhe më pas u tërhoq nga dita e fundit e fushatës për zgjedhjet europiane. Ajo nuk do të thirret si dëshmitare në gjyq.
Por një nga truprojat e saj ka dëshmuar, duke thënë se burri i është afruar në një rrugë të frekuentuar, i ka thënë diçka të pakuptueshme dhe i ka dhënë “një grusht të fortë në shpatull”.
Frederiksen, 46 vjeçe, është udhëheqëse e Social Demokratëve të Danimarkës, partia më e madhe në qeverinë e koalicionit të Danimarkës.
Ajo mori detyrën në vitin 2019, duke e bërë atë kryeministren më të re në historinë daneze.
Top Channel
