Kreu i emigracionit në SHBA: Duhet ‘një jetë njeriu’ për të deportuar të gjithë emigratët kriminelë nga New York (fotot)
23/11 21:40
Të paktën pesë anëtarë të personelit ushtarak amerikan u plagosën në një sulm kundër një baze ushtarake në Irak të hënën, i thanë zyrtarët amerikanë agjencisë Reuters, në një kohë tensionesh në Lindjen e Mesme mes shqetësimeve për një valë të re sulmesh të mundshme nga Irani dhe aleatët e tij në rajon, pas vrasjes javën e kaluar të anëtarëve të lartë të grupeve militante të Hamasit dhe Hezbollahut.
Dy raketa Katjusha goditën bazën ajrore al Asad në Irakun perëndimor, thanë dy burime irakiane të sigurisë. Një burim i sigurisë irakiane tha se raketat ranë brenda bazës. Nuk ishte e qartë nëse sulmi ishte i lidhur me kërcënimet e Iranit për t’u hakmarrë mbi vrasjet.
Të mërkurën, Irani tha se SHBA mban përgjegjësinë për vrasjen e udhëheqësit të Hamasit Ismail Hanijeh në Teheran për shkak të mbështetjes së tij për Izraelin.
Zyrtarët amerikanë, të cilët folën për agjencinë Reuters në kushte anonimiteti, thanë se një nga ushtarët ishte plagosur rëndë. Numri i viktimave bazohet në njoftimet fillestare dhe detajet mund të ndryshojnë, thanë ata. “Personeli i bazës po kryen një vlerësim të dëmeve pas sulmit,” shtoi një nga zyrtarët.
Javën e kaluar, Shtetet e Bashkuara kryen një sulm në Irak kundër individëve që zyrtarët amerikanë thanë se ishin militantë që po përgatiteshin të hidhnin dronë dhe përbënin një kërcënim për forcat amerikane dhe koalicionit.
Pentagoni ka thënë se do të vendosë avionë luftarakë shtesë dhe anije luftarake të marinës në Lindjen e Mesme, ndërsa Uashingtoni përpiqet të forcojë mbrojtjen pas kërcënimeve nga Irani dhe aleatët e tij, Hamas dhe Hezbollah.
Iraku ka një pozicion të pazakontë, duke qenë njëkohësisht aleat i SHBA-së dhe Iranit. Në Irak ka 2500 trupa amerikane, por edhe grupe militantësh të mbështetur nga Irani që kanë lidhje me forcat e sigurisë të vendit.
Top Channel
