Përshkallëzimi i tensionit në Lindjen e Mesme! Hezbollahu kryen një sulm me dhjetëra raketa në Izrael

Kjo rrit disponimin në rajon më të gjerë. Irani tha dje se aleati i tij Hezbollah pritet të godasë Izraelin “në thellësi” dhe “të mos kufizohet në objektiva ushtarake” në përgjigje të vrasjes së komandantit ushtarak të grupit islamik libanez, Fouad Shukr, të martën pranë Bejrutit. Presidenti i SHBA Joe Biden shprehu dje shpresën se Irani do të tregonte përfundimisht përmbajtje pavarësisht kërcënimeve për t’u hakmarrë, por Hezbollahu në orët e para të së dielës në përgjigjen e parë hodhi dhjetëra raketa Katyusha nga Libani jugor drejt vendbanimit Beit Hillel (në Izraelin verior). Kjo vjen si solidaritet me palestinezët në Gaza dhe si hakmarrje për sulmet e fundit izraelite në pjesën jugore të vendit.

Sipas mediave izraelite, shumica e raketave u kapën nga sistemet e mbrojtjes ajrore Iron Dome. “Në mbështetje të popullit tonë të palëkundur palestinez në Rripin e Gazës dhe në mbështetje të rezistencës së tyre të guximshme dhe të ndershme, dhe në përgjigje të sulmeve të armikut izraelit në fshatrat e qëndrueshme jugore dhe shtëpitë e sigurta, veçanërisht sulmet që synonin fshatrat Kafr Kila dhe Deir Siryan dhe civilët e plagosur, Rezistenca Islamike përfshiu vendbanimin e ri të Beit Hillel në programin e saj të zjarrit dhe e bombardoi për herë të parë me dhjetëra raketa Katyusha”, thuhet  në njoftimin e lëvizjes pro-iraniane.

#Hezbollah announced on Saturday that it had fired multiple #Katyusha rockets into #Israel, marking the latest in a series of assaults it claims are in solidarity with the #Palestinian cause. #Lebanon #Hamas #ismailhaniye pic.twitter.com/QmDQawAZnu

— Channel 8 English (@Channel8English) August 3, 2024

SHBA grumbullon anije në Lindjen e Mesme

Vendimi i SHBA-së për të dërguar anije luftarake dhe një skuadrilje luftarake në rajon shënon ndoshta lëvizjen më të madhe të forcave amerikane që nga ditët e para të luftës së Gazës, kur Pentagoni dërgoi dy grupe sulmi avionësh në Lindjen e Mesme paralajmëruese pëe grupet militante rajonale që të mos zgjerojnë luftimet.

Sekretari amerikan i Mbrojtjes Lloyd Austin urdhëroi që aeroplanmbajtësja USS Abraham Lincoln dhe anijet e saj shoqëruese të vendosen në zonë për të siguruar që një aeroplanmbajtëse amerikane të mbetet në zonë. Një tjetër aeroplanmbajtëse, USS Theodore Roosevelt, ishte në Gjirin e Omanit të premten dhe u shoqërua nga disa anije të tjera luftarake pasi u larguan së fundi nga Gjiri Persik, tha një zyrtar amerikan, duke folur në kushte anonimiteti.

Ky ndryshim e lë të hapur mundësinë që ata të mund të lëvizin në Izrael nëse lundrojnë në perëndim rreth Jemenit drejt Detit të Kuq. Në rajon do të vendosen edhe shkatërrues dhe kryqëzorë, të aftë për mbrojtje nga raketat balistike si dhe për sulm, shkruan Ëashington Post. Forcat ushtarake amerikane janë vënë në gatishmëri të lartë pasi Irani kërcënoi se do të hakmerrej për vrasjen e liderit të Hamasit Ismail Haniya në Teheran ditë më parë, ndërsa lufta në Rripin e Gazës po vazhdon.

“Largohu me çdo mjet nga Libani”

Kujtohet se Britania dhe SHBA u kanë bërë sërish thirrje qytetarëve të vendeve të tyre që të largohen nga Libani, mes frikës së intensifikimit të një shpërthimi lufte mes Izraelit dhe organizatës libaneze Hezbollah.
Ambasada amerikane në Bejrut u bëri thirrje qytetarëve amerikanë të largohen “me çdo biletë avioni në dispozicion”. Edhe pse shumë fluturime janë anuluar ose shtyrë, “ka opsione në dispozicion,” tha ambasada në deklaratën e saj. “Ne inkurajojmë ata që dëshirojnë të largohen nga Libani të rezervojnë çfarëdo bilete të disponueshme, edhe nëse fluturimi nuk niset menjëherë ose nuk ndjek rrugën e zgjedhur prej tyre”.

Top Channel