Kryeqyteti skocez mbulohet nga dëbora teksa moti i ftohtë përfshin Britaninë dhe Irlandën (fotogaleri)
23/11 18:50
Udhëheqësja e opozitës venezueliane Maria Corina Machado i është drejtuar një tubimi masiv në kryeqytetin Karakas, duke sfiduar thirrjet e qeverisë për arrestimin e saj.
Machado u fsheh në fillim të kësaj jave pasi akuzoi presidentin Nicolás Maduro për mashtrimin e kandidatit të opozitës, Edmundo Gonzalez, për një fitore të qartë në zgjedhjet presidenciale.
Presidenti nga ana e tij ka akuzuar udhëheqësen e opozitës për dhunë dhe tha se ajo dhe Gonzalez duhet të përballen me dekada pas hekurave.
Ajo iu drejtua mijëra mbështetësve të saj në Karakas nga një kamion që mbante një pankartë ku shkruhej “Venezuela ka fituar”.
“Nuk kemi qenë kurrë kaq të fortë sa sot,” i tha ajo turmës, duke shtuar se “regjimi nuk ka qenë kurrë më i dobët… Ai ka humbur të gjithë legjitimitetin”.
Në fillim të kësaj jave, Machado shkroi në ‘The Wall Street Journal’ se kishte frikë për jetën, së bashku me liderët e tjerë të opozitës.
Ajo mbështeti me brohoritje fjalët “liri, liri” dhe u shoqërua nga disa liderë të tjerë të opozitës, por jo Gonzales.
Forcat e sigurisë në Venezuelë kanë kaluar ditët e fundit duke u përpjekur të frenojnë protestat masive. Të paktën 11 persona kanë vdekur në përleshjet me policinë. Më shumë se 1000 demonstrues të opozitës janë arrestuar.
Top Channel
