E rëndë në Greqi! Po shkonte me taksi në spital, por përplaset nga një makinë, vdes i moshuari 19/09 18:40
Udhëheqësi i Hamasit Ismail Haniyeh u vra këtë javë nga një bombë e sofistikuar me telekomandë e kontrabanduar në bujtinë ku ai po qëndronte në Teheran, dhe jo nga një raketë, siç është raportuar gjerësisht, ka zbuluar New York Times.
Sipas raportit, i cili citon shtatë zyrtarë të Lindjes së Mesme, duke përfshirë dy iranianë, dhe një zyrtar amerikan, pajisja shpërthyese u kontrabandua në ndërtesën e Gardës Revolucionare Islamike në Teheran rreth dy muaj më parë. Zyrtarët iranianë, të cilët janë anëtarë të IRGC, thonë se saktësia e sulmit të kujtonte mitralozin e telekomanduar të përdorur nga një ekip i Mossad për të vrarë shkencëtarin kryesor bërthamor iranian Mohsen Fakhrizadeh në 2020. Sipas dy zyrtarëve të Gardës Revolucionare iraniane të informuar për incidentin, shpërthimi tronditi ndërtesën, theu disa xhama dhe shkaktoi shembjen pjesërisht të një muri të jashtëm. Ky dëmtim ishte i dukshëm edhe në një foto të ndërtesës të ndarë nga The New York Times.
• The New York Times: Ismail Haniyeh was killed by an explosive device that was secretly smuggled into the guest house in Tehran where he was staying.
• The bomb was hidden about two months ago in the guest house that is managed and protected by the Revolutionary Guard Corps… pic.twitter.com/d4oCVw1YoC
— Amichai Stein (@AmichaiStein1) August 1, 2024
Haniya, i cili drejtonte zyrën politike të Hamasit në Katar, kishte qëndruar në bujtinë disa herë gjatë vizitës në Teheran, sipas zyrtarëve të Lindjes së Mesme. Të gjithë zyrtarët folën në kushte anonimiteti, ku ndanë detaje të ndjeshme rreth vrasjes.
Zyrtarët iranianë dhe Hamasi thanë se Izraeli ishte përgjegjës për vrasjen. Vrasja nxiti frikën për një valë tjetër dhune në Lindjen e Mesme dhe prishi negociatat e vazhdueshme për t’i dhënë fund luftës në Gaza. Khaniya ishte kryenegociatori në bisedimet e armëpushimit.
Izraeli nuk e ka marrë publikisht përgjegjësinë për vrasjen, por zyrtarët e inteligjencës izraelite informuan Shtetet e Bashkuara dhe qeveritë e tjera perëndimore për detajet e operacionit menjëherë më pas, sipas pesë zyrtarëve të Lindjes së Mesme.
Top Channel
