“Shpërthejnë” protestat kundër kandidatit pro-rus për president të Rumanisë 27/11 08:19
Izraeli thotë se ka nisur një sulm në Bejrut, Liban, duke synuar një komandant të Hezbollahut, të cilin e fajësoi për sulmin vdekjeprurës në Lartësitë Golan të pushtuara nga Izraeli.
Ministri i Mbrojtjes i Izraelit, Yoav Gallant, tha se “Hezbollahu e kaloi vijën e kuqe” në një postim në rrjetet sociale disa minuta pasi ushtria izraelite mori përgjegjësinë për sulmin të martën.
Forcat e Mbrojtjes së Izraelit (IDF) thanë se kishin “kryer një sulm në shënjestër në Bejrut, ndaj komandantit përgjegjës për vrasjen e fëmijëve në Majdal Shams dhe vrasjen e shumë civilëve të tjerë izraelitë”.
Agjencia shtetërore libaneze e lajmeve tha se sulmi u krye nga një dron që lëshoi tre raketa.
Deklarata e IDF erdhi menjëherë pasi agjencia televizive Al Manar e drejtuar nga Hezbollahu raportoi për një shpërthim të fuqishëm që u dëgjua në periferitë jugore të kryeqytetit libanez.
Zona është një pjesë e populluar e Bejrutit dhe një bastion i grupit militant të mbështetur nga Irani.
Izraeli u zotua në fillim të kësaj jave se Hezbollahu do të “paguante çmimin” për një sulm me raketa në një fushë futbolli që vrau 12 fëmijë dhe plagosi 44 njerëz në qytetin Majdal Shams pranë kufirit sirian dhe libanez.
Sulmi të shtunën ngjalli frikën se një luftë e gjithanshme mund të mbështillte rajonin.
Një zëdhënës i Departamentit Amerikan të Shtetit nuk do të komentonte nëse Izraeli kishte paralajmëruar SHBA-në se mund të godiste Bejrutin në hakmarrjen e tij kundër Hezbollahut.
Top Channel
