![](https://top-channel.tv/wp-content/uploads/2024/09/0-2024-09-03T174429.905-800x450.jpg)
Ndërkohë që disa fansa besojnë se Kylie Jenner dhe Timothée Chalamet mund të jetë në prag të ndarjes, marrëdhënia e tyre duket se po shkon në një nivel tjetër.
Një burim ekskluziv për “The US Sun” ka thënë se influencerja dhe aktori po mendojnë për t’u martuar.
Pasi konfirmuan publikisht marrëdhënien e tyre, ku u shfaqën së bashku në një koncert të Beyoncé, US Open dhe Golden Globes 2024, fansat menduan se Kylie Jenner dhe Timothée Chalamet i kishin ftohur gjërat.
Ishte një supozim i drejtë, duke pasur parasysh se çifti i qetë nuk ishte parë së bashku për disa muaj.
Megjithatë, pavarësisht se disa fansa spekuluan se çifti ishte ndarë, ata të dy thuhet se ishin të zënë me angazhimet e punës.
“Në të njëjtën kohë, ai dhe Kylie janë në një lidhje shumë serioze dhe mund të përfundojnë si burrë e grua”, tha një burim për “The US Sun”.
Timothée i kaloi muajt e fundit duke promovuar filmin e tij të fundit, “Dune: Part Two” dhe duke filmuar një film biografik të Bob Dylan.
Kylie, ndërkohë, po xhironte shfaqjen televizive të familjes së saj, The Kardashians, duke pushuar në Turks dhe Caicos dhe duke promovuar sipërmarrjet e saj të fundit të biznesit, Khy dhe Sprinter Vodka.
Tani që kalendarët dhe angazhimet e Timothée dhe Kylie po çlirohen, një burim i brendshëm thotë se fansat duhet të presin të shohin më shumë nga çifti – dhe ata madje mund të shfaqen së bashku në kamera.
Top Channel