Raundi i dytë i zgjedhjeve të parakohshme parlamentare në Francë, qytetarët u drejtohen qendrave të votimit 07/07 08:15
Një makineri 12-metra e lartë me sy të shndritshëm dhe krahë që mund të pajisen me furça ose vegla punimi, ka nisur punë në mirëmbajtjen e linjave të trenave japonezë.
‘Punonjësi’ i ri humanoid i linjave Perëndimore Hekurudhore, ngjan me një robot të frikshëm të filmave të fantashkencës, megjithse aktualisht shumica e detyrave të tij është lyerja ose rregullimet e kopshtarisë.
Prej këtij muaji makineria me krahët gjigantë që lëviz e montuar në një mjet që lëviz në binarë, po dislokohet në detyra mirëmbajtjeje në të gjithë rrjetin.
Operatori i saj ulet në kabinën e automjetit nga ku kontrollon gjymtyrët dhe duart e makinerisë.
Ajo mund të përdorë vegla të ndryshme në duart e saj dhe të ngrejë objekte deri në 40kg, mund të lyejë ose të sharrojë.
Për momentin detyrat kryesore të robotit janë prerja e degëve të pemëve të zgjatura mbi binarë apo lyerja e paneleve metalike që mbajnë kabllot e trenave.
Kompania thotë se kjo teknologji plotëson mungesat e punonjësve dhe redukton aksidentet në vendin e punës si rrëzimet apo kontaktet me energjinë elektrike.
“Në të ardhmen shpresojmë që makinerinë ta përdorim për shumë operacione mirëmbajtje apo infrastrukture, për të përballuar mungesën e krahut të punës”, tha së fundmi kreu i kompanisë Kazuaki Hasegawa, sipas rrjetit The Guardian.
Top Channel
