E bujshme nga Spanja/ Sylvinho pranë largimit nga Shqipëria? Tekniku brazilian mund të drejtojë Leo Messin te… 21/11 15:59
Italia dhe Zvicra do të jenë dy skuadrat e parë që do të zbresin në fushë për fazën e 1/8-ave të Kampionatit Europian, teksa vetëm njëra prej tyre do të arrijë të vazhdojë rrugëtimin më tej në çerekfinale.
“Të kaltrit” e Spallettit siguruan kualifikimin vetëm në sekondat e fundit të ndeshjes ndaj Kroacisë, teksa tashmë vijnë në fazën me eliminim direkt, aty ku çdo gabim i vogël kushton shtrenjtë, ndaj skuadra vijon të punojë shumë për përballjen me helvetët.
Media italiane bën me dije se me skuadrën nuk janë stërvitur dy futbollistët e Interit, Alesandro Bastoni dhe Federico Dimarco, me të parin që ka pasur temperaturë dhe djegie fyti, ndërsa anësori i majtë ka një problem në pulpë dhe do të mungojë ndaj Zvicrës.
Trajneri Spalletti ka të qartë idenë për mbrojtjen, teksa do ta nisin nga minuta e parë Di Lorenzo, Mancini, Bastoni dhe Darmian, e nëse qendërmbrojtësi zikaltër nuk ia del, atëherë do të zbresë në fushë futbollisti i Torinos, Alessandro Buongiorno.
Në mesfushë pritet të ulet në stol Jorginho, teksa krahas Barellës dhe Cristantes, treshja pritet të kompletohet nga futbollisti i Juventusit, Nicolo Fagioli, i cili vjen pas një pezullimi të gjatë, por duket se ka bindur Spallettin me formën e tij.
Në sulm është e sigurt prania e Chiesës në të djathtë, ndërsa dy pozicionet e tjera do të jenë dilema të Spallettit deri para ndeshjes. Në të majtë është testuar El Sharawi, por edhe Zaccagni e Pellegrini, ndërsa në qendër po rivalizojnë fort Scamacca dhe Retegui.
Sfida mes Italisë dhe Zvicrës do të startojë në orën 18:00 në “Olimpiastadion” të Berlinit, i njëjti stadium ku “të kaltrit” fituan Kupën e Botës në vitin 2006, duke mposhtur në finale Francën me penallti./ SuperSport
Top Channel
