Fronëzohet Mitropoliti! Imzot Asti do të drejtojë Mitropolinë e Beratit, Vlorës dhe Kaninës
22/11 15:41
“Lule Sajza”, një lule që nuk mbiu kurrë me emrin e vajzës që vdiq në kampin e Tepelenës dhe iu mohua dhe të pasurit një varr, u shfaq në Amfiteatrin Antik të Durrësit dy netë rresht duke rrëqethur publikun me historitë e vërteta të grave dhe fëmijëve që vuajtën e vdiqën në internim nga keqtrajtimi.
Rrëfimet erdhën nën interpretimin e aktores së mirënjohur Raimonda Bulku, Adriana Tolka dhe Valentina Myteveli e cila me lëvizjet koreografike ia shtoi dramacitetin shfaqjes.
“Lule Sajza” me regji të Endri Çelës përcolli emocione të forta për publikun përmes rrëfimeve-dëshmi dhe statistika të të mbijetuarve që pësuan një kalvar vuajtjesh gjatë persekutimit komunist.
Shfaqja e Teatrit Eksperimental “Kujtim Spahivogli” është një kujtesë për të mos harruar, në mënyrë që historia të mos përsëritet më kurrë.
Top Channel
