Skandali i Ministrit të Kulturës që tronditi qeverinë e Melonit/ Reagimi i të dashurës sekrete dhe krahasimi me Berlusconin, ç’po ndodh në Itali
07/09 23:10
Glenn Youngkin ka thënë se Virginia do të heqë dorë nga standardet e ashpra të kufizimit të emetimeve për automjetet
Guvernatori amerikan Glenn Youngkin ka thënë se Virginia do të heqë dorë nga standardet e ashpra të kufizimit të emetimeve për automjetet, në fund të vitit, kur të skadojë afati rregullacionit aktual.
Youngkin tha se bazuar në opinionin e prokurorit të përgjithshëm, kufizimet per emetimet e kërkuara të karbonit nuk do të jenë më në fuqi prej fundit të vitit.
Lideri republikani senatit Ryan McDougle dhe kryeprokurori Jason Miyares kishin dhënë dje opinionin e tyre duke thënë se Virginia nuk ishte e detyruar të zbatonte standardet e “Bordit të Ajrit të Kalifornisë” duke nisur nga 1 janari.
Republikani Youngkin tha sot se banorët e Virginia “meritojnë të zgjedhin automjetin që dëshirojnë” duke shtuar se “idea që qeveria të detyrojë qytetarët çfarë makinash të blejnë, është thellësisht e gabuar”, duke iu referuar nxitjes federale për të blerë ‘makina elektrike.’
“Edhe një herë Virginia po shpall pavarësinë –- kësaj here nga udhëzimet e gabuara për detyrimin e makinave elektrike, që jepet nga liderë të pazgjedhur 3000 milje larg”, tha Youngkin, pa përcaktuar se kujt i referohej nga ABCNews.
Lëvizja u dënua nga demokratët dhe lobi ambjentalist që e kërcënonin.
“Ai mendon se ka më shumë pushtet se Vladimir Putin,” tha kreu i senatit të SHBA, Scott Surovell duke shtuar: “Guvernatori po shkel ligjin dhe të tjerë po e mbulojnë”.
Rekomandimet e fundit të kryeprokurorit thonin se detyrimet për makina elektrike në Kaliforni janë të paefektshme dhe jashtë realitetit prandaj sipas tij “ligji nuk na përfshihet në rregullacionet e tyre”.
“Kalifornia nuk kontrollon çfarë makinash duhet të blejnë banorët e Virginia”, tha ai sipas rrjetit vendas ABCNews.
Ligji për ‘makinat e pastra’ në Virginia është miratuar fillimisht në 2021, kur shteti ishte në kontroll të demokratëve, të cilët kërkonin që nga viti 2024 një përqindje e caktuar të ishin elektrike.
Mekanizmi për pragun e numrit të automjeteve ishte i lidhur me standardet e emetimeve të karbonit, por California ka pasur autoritetet të vendosë rregullat e veta prej dekadash sipas një përjashtimi nga “ligji federal i ambjentit”.
Mediat thonë se programi ka të bëjë me prodhuesit e jo me shitësit e makinave, teksa të parët mund të blejnë ‘kredite ambjenti’ nga grupe të tjera që nuk i kanë tejkaluar ato, sipas rregullacionit”./ABCNews/
Top Channel
