Deputetja gjermane kërkon ndjesë për komentin mbi ‘ngjyrën e lëkurës së futbollistëve’ në Euro 2024 (fotot)
20/06 17:00
Jon Benjamin është shkarkuar nga posti i ambasadorit britanik në Meksikë pas publikimit të një videoje në rrjetet sociale ku ai i drejtonte një armë zjarri një personi në një automjet.
Pas debateve të gjeneruara nga pamjet e publikuara, ambasadori është detyruar të japë dorëheqjen pas videos ku ai në dukje me shaka i drejtonte automatikun një anëtari të stafit në automjet.
Jon Benjamin, i cili ka qenë ambasador në Kili, Gana, Turqi, Indonezi e SHBA para se të shërbente në Meksikë, ka humbur detyrën e ti pasi në një deklaratë të ministrisë së jashtme ata i drejtoheshin atij në kohën e shkuar duke thënë se Benjamin “kishte shërbyer si ambasador në Meksikë nga viti 2021 deri në 2024,” pa dhënë detaje të mëtejshme.
Në një tjetër deklaratë thuhej: “Jemi në dijeni të incidentit dhe kemi ndërmarrë veprimet e përshtatshme”.
Video besohet se është bërë gjatë një udhëtimi të Benjamin në shtetin verior meksikan të Durango, ku i ulur në sediljen e parme ai i drejton me shaka automatikun një kolegu në sediljen e pasme. Video duket se është e regjistruar me celular.
Çështja e kërcënimit me armë është delikate në Meksikë ku dhuna e karteleve të drogës lë mijëra të vrarë çdo vit.
Bandat e kartelet e drogave duket se po luajnë një rol gjithnjë e më të madhe në politikën vendore sidomos në kohë zgjedhjesh me sulme intimidimi për të influencuar votuesit ndaj kandidatëve të tyre të preferuar, shkruan rrjeti The Mirror.
Top Channel
