![](https://top-channel.tv/wp-content/uploads/2024/09/0-2024-09-07T190138.257-800x450.jpg)
Një aksident i rëndë ka ndodhur mesditën e sotme në aksin Lezhë-Milot, me pasojë plagosjen rëndë të një personi.
Korrespondentja e Top Channel, Brixhilda Deda bën me dije se një veturë është përplasur me një trajler. Si pasojë i plagosur në gjendje të rëndë ka mbetur një efektiv i policisë së Lezhës.
Policia bën me dije se kamioni me drejtues shtetasin boshnjak Nj. G. është përplasur me automjetin me drejtues shtetasin Gj. V., punonjës policie i DVP Lezhë, i cili sapo kishte përfunduar shërbimin.
I plagosuri është nisur drejt Traumës, ndërsa me shtetasin e huaj po kryhen veprimet procedurale.
Paraprakisht dyshohet se shkak për aksidentin është bërë një kalim i gabuar i veturës, duke dalë në rrugë dhe duke i prerë rrugën trajlerit.
Përplasja ka qenë aq e fortë sa është dashur ndërhyrja e zjarrfikëses për të nxjerrë trupin e policit nga makina.
Top Channel