VIDEO/ Skënderbeu triumfon dhe e mbyll sezonin në vend të tretë, por në Conference League shkon Vllaznia

Ekipi korçar bindi me rezultatin 3-2 në “Air Albania”, ndërsa diktoi ritmin gjatë gjithë takimit.

Ishte Nikaj ai i cili zhbllokoi takimin, me golin e shënuar në minutën e 11’ pas asistit të dhuruar nga Rashica, teksa vetëm pesë minuta më pas Dean Liço dyfishoi avantazhin e Skënderbeut.

Skënderbeu vazhdoi me sulmet dhe në minutën e 31’ ishte Rashica ai i cili shfrytëzoi një gabim të Vllaznisë dhe gjeti rrugën drejt rrjetës, duke shënuar golin e tretë për skuadrën e tij.

Pjesa e parë u mbyll me katër gola, pasi Vllaznia fitoi penallti pas një prekje të topit nga Prençi në zonë, penallti që u mor përsipër nga Esat Mala, i cili e finalizoi topi në fund të rrjetës, duke u dhënë shkodranëve pak shpresë.

Në ndryshim nga fraksioni hapës, pjesa e dytë ishte disi më e vaktë përsa u përket golave.

Ishin sërish korçarët ata që u shfaqën më të avancuar, me Gkertsos që provoi të shënonte me një goditje të fortë në minutën e 55’, por e dërgoi topin mbi traversë.

Ndërsa në minutën e 59’ Rashica dhe Nikaj realizuan një super kombinim, me këtë të fundit që e dërgoi topin në fundin e rrjetës, por u dyshua për pozicionin dhe pas verifikimit në VAR rezultoi i parregullt.

Kapiteni i shkodranëve fitoi një penallti në minutën e 80’ pas një ndërhyrjeje të gabuar nga ana e Ramos dhe e mori vet përsipër ekzekutimin e saj duke shënuar golin e dytë për Vllazninë në minutën e 81’ dhe njëkohësisht duke rihapur sfidën.

Gëzimi i Vllaznisë zgjati pak, kjo për shkak se Stojanovic u ndëshkua me kartonin e dytë të verdhë pas një faulli ndaj Rashicës dhe e la ekipin e tij me dhjetë lojtarë.

Pavarësisht se nga të dyja skuadrat u tentuan portat respektive në minutat e mbetura, ndeshja u mbyll me rezultatin 3-2.

Kështu Skënderbeu fiton për prestigj në “Final Four” në ndeshjen për vendin e tretë të Kategorisë Super, por nuk mund të shkojë në Conference League, pasi ka dhe pak vite për të vuajtur dënimin e UEFA-s.

Ndërsa Vllaznia e mbyll sezonin në vend të katërt të renditje, por me shkodranët që do të shkojnë në Conference League.

Skënderbeu-Vllaznia (3-2)

Final Four

82′-Festa e Vllaznisë zgjat pak, Stojanovic merr kartonin e dytë të verdhë dhe i lë shkodranët me dhjetë lojtarë.

Video: https://www.supersport.al/wp-content/uploads/2024/05/karton.mp4?_=1

80′-Goool! Balaj fiton penallti pas një ndërhyrjeje të gabuar nga Ramos. Kapiteni i Vllaznisë shënon nga pika e bardhë dhe rihap sfidën

Video: https://www.supersport.al/wp-content/uploads/2024/05/balaj-gol.mp4?_=2

Video: https://www.supersport.al/wp-content/uploads/2024/05/ppppp.mp4?_=3

59’-Super kombinim mes Rashicës dhe Nikajt, që e dërgon topin në rrjetës, por ka një Flamur të ngritur dhe pas verifikimit në VAR rezulton se kishte një pozicion të parregullt.

Video: https://www.supersport.al/wp-content/uploads/2024/05/var-1.mp4?_=4

42’-Goool! Mala e merr përsipër ekzekutimin e penalltisë dhe e dërgon topin në fund të rrjetës.

Video: https://www.supersport.al/wp-content/uploads/2024/05/mala-gol.mp4?_=5

31’-Goool! Pas një topi të kthyer gabim nga Vllaznia, Rashica kalon mbrojtjen shkodrane dhe shënon golin e tretë për Skënderbeun.

Video: https://www.supersport.al/wp-content/uploads/2024/05/rashica.mp4?_=6

16’-Goool! Pas një goditjeje nga këndi, Liço e godet topin me kokë dhe e dërgon në fund të rrjetës.

Video: https://www.supersport.al/wp-content/uploads/2024/05/skenderbeu-2.mp4?_=7

11’-Gooool! Rashica dhuron asist, Nikaj e dërgon topin në fund të rrjetës dhe kalon Skënderbeun në avantazh.

Video: https://www.supersport.al/wp-content/uploads/2024/05/skenderbeu-1.mp4?_=8

Vlen të theksohet se nëse Skënderbeu del i fituar nga ky takim, nuk do të mund të shkojë në Europë, pasi ende nuk ka përfunduar dënimin e UEFA-s dhe për rrjedhojë Vllaznia do të shkojë në Conference League.

Formacionet zyrtare: 

Top Channel