Kreu i emigracionit në SHBA: Duhet ‘një jetë njeriu’ për të deportuar të gjithë emigratët kriminelë nga New York (fotot)
23/11 21:40
Një ish-Miss i shtetit amerikan Indiana ishte mes të arrestuarve të një operacion anti-drogë ndaj një karteli meksikan, që hetohej prej vitesh nga policia.
34 vjeçarja Glenis Zapata, që kishte fituar titullin Miss Indiana Latina në vitin 2011 dhe punonte si stjuardesë fluturimi, përdorte profesionin e saj për të kaluar paratë e drogave nga Chicago në jug të SHBA e më pas në Meksikë, thuhet në padinë e autoriteteve.
Ajo akuzohet për pastrim parash në shumën $170,000 në gusht 7, 2019, dhe të paktën $140,000 në shtator 2019.
Zapata është mes 18 të dyshuarve të arrestuar në operacionin kundër objektivit kryesor të autoriteteve, trafikantit Oswaldo Espinosa.
Zapata, së bashku me dy punonjëse banke –Ilenis Zapata e Georgina Banuelos – u ndaluan në kuadër të ndjekjes së Espinosa, i cili besohet se ka sjellë tonelata kokainë ne SHBA.
Zyrtarët thanë se nga viti 2018 deri në 2023, Espinosa ka rekrutuar shumë punonjës të sferave të ndryshme si Zapata, për të krijuar sipërmarrjen e tij kriminal, e cila përdorte magazina e garazhe për fshehjen e parave e të drogave.
Ato më pas ngarkoheshin në kamionë për transport ose në fluturime komerciale me ndihmën e të infiltruarve si Glenis Zapata, thuhet në raportin e autoriteteve.
“Prioriteti kryesor i DEA është ndalimi karteleve kryesore që janë përgjegjëse për dërgesat aktuale të drogës sintetike fentanil, që po shkakton një epidemi shkatërrimtare mes përdoruesve në SHBA,” thuhej mes të tjerash në raport.
Top Channel
