Thirrje për armëpushim në Rripin e Gazës: Lideri i Hamasit u vra, tani ndaloni luftën 18/10 08:05
Tre shtetas afganë dhe tre turistë spanjollë kanë humbur jetën në provincën qendrore afgane Bamyan, pas një sulmi të rëndë e të pashpjeguar në një treg me njerëz, njoftonte qeveria talibane.
Grupi ishin qëlluar papritur teksa ecnin në pazarin e qytetit malor Bamyan, rreth 180km larg kryeqytetit Kabul.
“Trupat e viktimave janë zhvendosur në Kabul, në departametin e mjekësisë ligjore atje. Të plagosurit gjithashtu janë dërguar në Kabul, mes tyre kishte dhe gra”, tha zëdhënësi i ministrisë së brendshme afgane Abdul Mateen Qani për rrjetin AFP.
“Mes tetë të plagosurve, katër prej tyre janë të huaj, dhe një grua e moshuar është në gjendje të rëndë”.
Qani shtoi se mes viktimave ishin civilë afgan dhe një zyrtar taliban. “Ata ishin duke ecur në Pazar kur u sulmuan”, tha zyrtari.
Asnjë grup nuk ka marrë përgjegjësinë për sulmin.
Qeveria spanjolle tha se tre prej viktimavve ishin shtetas spanjollë, ndërsa një tjetër spanjoll është i plagosur.
Ministri i jashtëm spanjoll Jose Manuel Albares tha se trupat e viktimave do të kthehen të dielën në vend, ndërsa një i plagosur është në spital në Kabul.
Bamyan është një nga destinacionet kryesore turistike të Afganistanit dhe një impjant i të trashëgimisë botërore kulturore me mbetjet e dy budave gjigante, që janë dëmtuar nga konflikti në 2001.
Sulmi i djeshëm është më i rëndi në vend që prej rikthimit në pushtet të talibanëve tre vjet më parë, shkruan rrjeti Aljaseera.
Top Channel
