![](https://top-channel.tv/wp-content/uploads/2024/09/MixCollage-07-Sep-2024-05-33-PM-5997-800x450.jpg)
Një 19-vjeçare në Lamia të Greqisë ka denoncuar në polici një 64-vjeçar dhe një 35-vjeçare për përdhunim dhe regjistrimin e një video pornografike.
Siç raportoi vajza para autoriteteve, makthi i saj filloi të premten e kaluar më datën 10, kur një mik i saj e njoftoi se 35-vjeçarja disponon një video në të cilën shfaqet vajza e re nën efektin e alkoolit, ku ishte përfshirë në akte seksuale me 64-vjeçarin pa pëlqimin e saj.
Sipas asaj që 19-vjeçarja ka treguar në polici, të paktën dy javë më parë kishte shkuar me 35-vjeçaren dhe 64-vjeçarin në shtëpinë e këtij të fundit ku kanë konsumuar një sasi të madhe alkooli. Për pasojë 19-vjeçaren e zuri gjumi dhe të nesërmen u zgjua e veshur normalisht pa kujtuar asgjë.
Në kontrollin e shtëpisë së 64-vjeçarit iu gjetën dhe sekuestruan tre celularë, të cilët do të dërgohen për analiza laboratorike.
Top Channel