Champions League/Iu ka shënuar 41 skuadrave, Lewandowski lë pas legjendën Lionel Messi 18/03 21:50
Të gjitha klubet italiane që luajnë në Seria A, votuan kundër prezantimit të reformës së re që do t’i jepte mundësinë qeverisë italiane të gjurmonte gjendjen e tyre financiare përmes një agjencie të krijuar së fundmi.
Tashmë ekziston një ent që e bën këtë, COVISOC që mund të përshkruhet si një lloj shoqate autonome për mbrojtjen e konsumatorëve. Por anëtarët e shoqatës emërohen nga subjektet sportive.
Me propozimin e ministrit të Sportit, Andrea Abodi ideja është që të krijohet një komision i ri i drejtuar nga qeveria për mbikëqyrjen e financave të klubeve.
Kështu në çdo sezon veror, klubet duhet të kalojnë një sërë stres-testesh financiare përpara se të lejohen të regjistrohen për sezonin e ri, duke shmangur në këtë mënyrë rrezikun e falimentimit të tyre gjatë sezonit.
Futbolli në veçanti është shumë kundër kësaj ideje dhe Lega Serie A lëshoi një deklaratë pas një takimi urgjent.
“Megjithëse ruajtën angazhimin për të përmirësuar qëndrueshmërinë ekonomike dhe transparencën e kontrolleve në futbollin italian, klubet votuan njëzëri kundër propozimit për krijimin e një agjencie qeveritare për të vëzhguar statusin financiar të klubeve profesionale të futbollit, duke përsëritur rëndësinë e autonomisë së sportit nga politika. Të gjitha klubet përsëritën gjithashtu nevojën për të punuar drejt autonomisë së plotë të Lega Serie A brenda organizatës sportive”, thuhet në deklaratën zyrtare.
Top Channel
