Nelson Hysa, i pathyeshëm! Gjunjëzon në më pak se dy raunde kundërshtarin me KO
23/11 07:20
Miralem Pjanic thotë mjaft. Ish-mesfushori i Romës dhe Juventusit e Barcelonës, tashmë pjesë e Sharjah në Pro League të Emirateve të Bashkuara Arabe tërhiqet nga kombëtarja e Bosnjë Hercegovinës.
Njoftimin zyrtar e ka bërë Pjanic përmes një mesazhi të gjatë të publikuar në profilin e tij në Instagram.
“Pas 16 vitesh, ka ardhur koha të them lamtumirë Bosnjë Hercegovinës sime. Ky është pa dyshim një nga vendimet më të vështira që më është dashur të marr, por me shumë krenari dhe kënaqësi them mjaft. Kam luajtur 115 ndeshje. Ndjeva kaq shumë gëzim, shkova në Kupën e Botës: ishin të gjitha ëndrrat që kisha si fëmijë dhe u bënë realitet.
E kam veshur gjithmonë fanellën e vendit tim me dashuri dhe krenari, kam luajtur për popullin tim, për tifozët tanë besnikë në mbarë botën. Në çdo klub që kam luajtur kam qenë një boshnjak krenar, gjithmonë duke u përpjekur të jem model për fëmijët tanë, duke shpresuar që një ditë edhe ata të bashkohen me klubet më të mëdha në botë”, shkruan mesfushori.
Pjanic e mbylli kështu karrierën e tij në kombëtare me 115 paraqitje, 17 gola të shënuar dhe 29 asistime.
Ai luajti vetëm një Botëror me Bosnjë Hercegovinën, atë të vitit 2014. Bosnjë Hercegovina nuk do të marrë pjesë në Kampionatin e ardhshëm Evropian pas humbjes në play-off kundër Ukrainës./SuperSport
Top Channel
