Ligjvënësi republikan: Trump i shqetësuar nga përshkallëzimi i konfliktit mes Rusisë dhe Ukrainës 24/11 22:35
Kuaj të kavalerisë britanike që vraponin sot jashtë kontrolli në qendër të Londrës, shkaktuan kaos dhe disa plagosje, pasi u trembën nga disa pajisje të punonjësve të ndërtimit.
Disa kujdestarë të tyre të ushtrisë, dhe kalimtarë u plagosën kur kuajt e trembur u larguan në panik duke tërhequr çfarë gjenin para e prapa tyre.
Grupi i shtatë kuajve e gjashtë ushtarëve po bënin manovra stërvitore në zonën qendrore Belgravia kur paniku mes kafshëve shkaktoi kaosin.
Katër ushtarë ranë nga kuajt e tyre dhe kafshët vraponin në panik duke u përplasur me automjete e kalimtarë.
Në pamjet e shpërndara në rrjete sociale një automjet fuoristradë shihej që i ndiqte ata me dritat ndezur. Një kalë i bardhë shihej i gjakosur që vraponte përkrah kalit të zi.
Një ushtar i lënduar shihej i shtrirë përtokë pranë Clermont Hotel në zonën qendrore të Victoria dhe ambulanca me pas kishte ngritur një tendë blu për të trajtuar të plagosurin.
Dëshmitaret tregonin sesi kuajt e dëshpëruar ishin përplasur gjithashtu me një autobus, derisa më pas ishin qetësuar dhe marrë nën kontroll nga zyrtarët e ushtrisë. /TheSun/
Top Channel
