Po në vitin 2019, Radovanin e merr në telefon shtetasi Burhan Aliaj. Gjatë kësaj bisede ai ngre tonet ndaj ish-prefektit duke i dhënë një paralajmërim.
“Po mora vesh se ua jep të tjerëve para meje do e kesh punën keq. Më ke 45 mijë euro. Ku 45 më ka met T… dhe 10 mijë euro mi ka marrë B. 10 ditë para se me ik. Ka ardhë e mi ka marrë te bixhozi në Rus“, u shpreh Byrhan Aliaj.
Përmes interceptimeve të prokurorisë del se Aliaj jepte lekë me fajde me përqindje në shuma të konsiderushme personave të ndryshëm. Nga përgjimet telefonike po ashtu rezulton se për lekët që u merrte me përqindje ai u mbante peng prona të luajtshme dhe të paluajtshme.
Në 4 shkurt të vitit 2019, Burhan Aliaj merr në telefon një person me banim në Lezhë dhe i kërkon shlyerjen e kësteve.
B. A me personin nga Lezha:
B. A: A më the në fund të mujit mor, apo don me tall b… tash?
Lezha: Po të bëj be kryet e djalit në fund të mujit nuk të kam thënë unë por kur të vijë data 26 po ti jap
B. A: Po pse të dyja mor, po më rrin 200 mijë borxh, po të maj makinën unë ty a? A je I marrë a si e ke hallin ti?
Lezha: Me 26 të thashë po të jap 400 mijë lekëshin, edhe të parat edhe të dytat që të kam met, njashtu si të kam thënë
Në këtë bisedë del qartë se Aliaj i kishte dhënë lekë me përqindje dhe priste të merrte këstin mujor të interesave. Por, personi nga Lezha duket se nuk i kishte bërë lekët ende gati.
Që në fillim të hetimeve kishte dyshime se fajdexhiu Aliaj kishte parkingje ku mbante peng sende të ndryshme kryesisht automjete dhe i kthente në momentin që personat ja kthenin lekët e marra borxh.
Gjatë vëzhgimeve në një pikë karburanti janë fiksuar 11 automjete, të cilat edhe në sistem rezultonin në emër të Burhan Aliajt.
Aliaj do të dënohej nga Gjykata e Shkodrës me 5 vite e 4 muaj për ushtrim të paligjshëm të aktiviteti finaciar dhe pastrimi i produkteve të veprës penale.
“Shkodra mbahet si një kryeqytet i fajdeve, dosja Zdrale ishte një moment i parë ku përciptazi dolën disa elementë që grupet bizneseve gjoba dhe ata duhet të faleshin për të paguar një detyrim njësoj sikurse kujtojmë herët atë që quhej mafia siciliane që në momentin që nuk i paguan për sigurinë ndaj një biznesi përdorën ekzpozive, kërcënime kansoje”, u shpreh eksperti i sigurisë, Fatjon Softa.
Top Channel
