Akuzat për mashtrim të Donald Trump, shtyhet për të tretën herë gjyqi ndaj presidentit të SHBA-së 22/11 17:55
Dhjetë persona kanë vdekur pasi dy helikopterë të marinës u përplasën në ajër gjatë provave ushtarake për një paradë të Marinës Mbretërore të Malajzisë.
Njëri prej helikopterëve preu helikën e tjetrit përpara se të dy të përplaseshin në tokë, tregojnë pamjet e publikuara në mediat lokale.
Incidenti ndodhi në orën 09:30 në qytetin malajzian Lumut, i cili është shtëpia e një baze marine.
“Të gjitha viktimat u konfirmuan të vdekur në vend dhe trupat u dërguan në Spitalin Ushtarak [Lumut] për identifikim,” tha Marina Mbretërore Malajziane.
Marina Mbretërore Malajziane shtoi se do të formojë një komision për të hetuar shkakun e incidentit. Një nga helikopterët, një HOM M503-3 me shtatë persona në bord, besohet se është rrëzuar në një pistë vrapimi.
Tjetri, një Fennec M502-6 që mbante tre viktimat e tjera, u përplas në një pishinë aty pranë. Departamenti i Zjarrfikësve dhe Shpëtimit i shtetit tha se ishte alarmuar për incidentin në orën 09:50.
Në mars, një helikopter i rojes bregdetare të Malajzisë u rrëzua në det pranë ishullit Angsa të Malajzisë gjatë një fluturimi stërvitor.
Piloti, bashkë-piloti dhe dy pasagjerët në bord u gjetën dhe u shpëtuan nga peshkatarët.
At least 10 people k1lled when two military helicopters collided midair in Lumut, #Malaysia. pic.twitter.com/gR45qrwjVZ
— Arthur Morgan (@ArthurM40330824) April 23, 2024
Top Channel
