“Nuk doja të futesha brenda në uzinë, por insistoi Mikhail Zorin”/ Zbardhet dosja me dëshminë e ruses Svetlana Timofeeva: Kur pashë se zona ishte e rrethuar… 30/04 18:49
Gazetari Bledian Koka në "Top Story"
Gazetari Bledian Koka, I ftuar në studion e emisionit ‘Top Story” me Grida Dumën në Top Channel foli për deklaratat e pazakonta dhe fyerjet e kërcënimet që Ilir Meta bëri ndaj kreut të SPAK, Altin Dumanit.
Koka tha se një diskurs të tillë të deklaratave të ashpra Meta e ka mbajtur sa herë që nis një betejë të re politike, por theksoi se këtë herë, kreu i PL, po trajton edhe zyrtarët e sistemit të drejtësisë si aktorë politikë.
“Meta I bën këto zakonisht sa herë që nis betejat e tij politike. Siçe ka bërë në 2011-ën siç e ka bërë më 2 mars dhe të gjitha betejat politike i ka shoqëruar me diskurs të ashpër politik. Ndryshimi është se kjo betejë ka të bëjë me aktorët e drejtësisë që po i trajton njësoj si aktorë politikë”– tha Koka.
Sipas Kokës, deklaratat e sotme të Metës, mund të jenë paralajmërim i një arrestimit të mundshëm të tij, pasi kreu i PL është nën hetim nga SPAK për çështjen CEZ-DIA.
“Meta po i pararend një zhvillimi të mundshëm. Foli sot si një njeri që pritet të arrestohet. Artikulimi i sotëm ishte njoftimi I një arrestimi të paralajmëruar”- shtoi gazetari.
Top Channel
