Dalin dëshmitë, dy gra akuzojnë kandidatin e Trump për Prokuror të Përgjithshëm se i pagoi për “shërbime seksuale”: Njëra ishte e mitur në 2017 19/11 07:48
Një bandë e organizuar hajdutësh që kishin kryer dhjetra grabitje spektakolare kanë dalë para drejtësisë në Britani për sulme ndaj policisë dhe thyerje të autometeve me sharrë elektrike e leva hekuri.
Në gjykatë u prezantuan dhe pamjet shokuese kur kriminelët thuajse shkelin me makinë një oficer policie e gjithashtu kur thyejnë automatet me pajisje të vjedhura nga zjarrfikësit.
Të akuzuarit Justin Buckley, Chris Hands, Reece Pedley e John O’Shaughnessy dyshohen për më shumë se 12 vjedhje brenda një viti në disa qytete britanike, me automjete ose mjete të rënda të vjedhura nga pika e zjarrfikësve.
Në një prej grabitjeve në automatin e një supermarketi në Cheltenham pranë Londrës, katërshja përdorin sharrë elektrike dhe leva hekuri për të hapur aparatin bankar, por më pas largohen te makina e tyre teksa dëgjonin policinë që afrohej.
Në një tjetër grabitje të ngjashme ata kishin shkaktuar dëme prej 1 milionë paundë në market dhe një dyqan buke ngjitur, pasi shkëndijat e prerëseve të tyre kishin shkaktuar një zjarr.
Ata pranonin se kishin vjedhur pajisje të zjarrfikësve për të kryer grabitjet e tyre, siç ishte një mjet i rëndë prerës me kosto 50,000 që kishin vjedhur nga zjarrfikësit e Warwickshire.
Grupi u identifikuar dhe arrestua në fillim të vitit pas gjurmimit të të dhënave celulare, kamerave të sigurisë dhe dëshmive të kalimtarëve.
Ata u burgosën secili nga shtatë deri në nëntë vjet për vjedhje e dëme të mëdha ndaj bizneseve. /DailyMail/
Top Channel
