VIDEO/ Manchester City dhe Interi ndahen në “paqe”, Girona debutuese mposhtet në fund nga PSG. Mësoni rezultatet e mbrëmjes 18/09 22:59
Revolucioni në Napoli tashmë ka nisur, edhe pse kampionati ende nuk ka përfunduar.
Nëse karrigia e drejtorit sportiv, sipas të gjitha gjasave, i është rezervuar Giovanni Mannas nga Juventusi në vend të Mauro Melusos, Aurelio De Laurentiis është gati për të nënshkruar me një trajner të madh.
Ëndrra mbetet Antonio Conte, i cili, siç raporton “Gazzetta dello Sport”, mund të marrë kompetenca të plota nga pronari i të kaltërve, De Laurentiis.
Ka pasur kontakte dhe respekt të ndërsjellë mes Contes dhe De Laurentiis, pavarësisht dështimit të një marrëveshjeje mes tyre pas shkarkimit të Rudi Garcias.
Kjo është arsyeja pse ADL, i shtyrë nga dëshira për ta bërë Napolin sërish protagonist pas një sezoni katastrofik, është gati t’ia besojë projektin e rilindjes ish-trajnerit të Tottenhamit, Chelsea-t, Interit dhe Juves.
De Laurentiis, për ta bindur të ulet në stolin e Napolit, sipas asaj që raporton “Gazzetta”, është i gatshëm t’i bëjë “dhuratë” Romelu Lukakun. Sigurisht sulmuesi belg do të transferohej në stadiumin “Maradona” vetëm në rast se largohet Osimhen.
Lukaku verën e kaluar u transferua te Roma në formë huazimi deri në qershor dhe nëse nuk do të ketë një marrëveshje të re mes verdhekuqve dhe Chelsea-t ai do të kthehet në Londër, ku është i lidhur me Blutë me një kontratë të vlefshme deri në vitin 2026./ SuperSport
Top Channel
