Trump zhvillon takimin e parë me një lider të huaj pas fitores, përse zgjodhi presidentin e Argjentinës? 16/11 08:15
Zhdukja misterioze e një djali dyvjeçar në Francë, në muajin korrik ka tronditur Francën.
Deri ditën e djeshme pavarësisht hetimeve të vazhdueshme, nuk u zbulua asgjë për fatin e dyvjeçarit Emile. Ditën e djeshme, ku ishte dhe festa e Pashkëve, autoritetet kanë gjetur eshtrat e Emilies së vogël vetëm 90 metra larg shtëpisë së gjyshit të tij.
Këtë lajm e dha kryebashkiaku i qytetit Verbet François Balic, i cili e konsideron këtë krim si krim makabër. Sipas tij, kjo zonë “ishte hetuar tërësisht nga policia”. “Nuk ka gjasa që ndonjë kafshë të sjellë mbetje njerëzore në fshat kur dikush mungon. Kjo na çon në skenarin që dikush ia ktheu eshtrat Emilit dhe ndoshta ka ndodhur kohët e fundit”, shtoi kryetari i komunës. Një burim i cituar nga Daily Mail tha se ajo që u gjet janë kockat dhe kafka e Emiles së vogël.
“Ky lajm tronditës është ajo që kishim frikë. Tani e dimë, në ditën e Ringjalljes Katolike, se Emile na ruan në dritën dhe dashurinë e Zotit, por dhimbja dhe pikëllimi mbeten. Tani është koha për të vajtuar, për të lutur dhe për të menduar”, thanë prindërit e Emiles së vogël përmes avokatit të tyre, të cilët apeluan që të respektohen momentet private të familjes.
Kur u zhduk më 8 korrik , Emile sapo kishte mbërritur për pushimet verore në shtëpinë e gjyshërve nga nëna e tij dhe dy fqinjë pretendojnë se e kishin parë në rrugën kryesore në fshatin Haute-Vernet, por me rrëfime kontradiktore.
Emile u pa për herë të fundit me gjyshin e tij 58-vjeçar. Që atëherë, fati i tij ka qenë i panjohur dhe hetuesit nuk kanë përjashtuar asnjë mundësi, përfshirë rrëmbimin dhe vrasjen. Një dëshmitar okular tha se ai pa gjyshin e tij, një fizioterapist osteopatik, duke prerë dru jashtë shtëpisë së tij rreth kohës kur fëmija dyshohet se u zhduk.
Top Channel
