Roma bën goditjen e parë të verës, afron me parametra zero ish-shokun e skuadrës së De Rossi-t 21/05 16:33
Mesut Ozil ka shfaqur së fundmi transformimin e fizikut të tij pas stërvitjes strikte në palestër.
Ish-fantazisti i Gjermanisë e Arsenalit të Londrës është stërvitur në drejtimin e Alper Aksac dhe nga nje figurë e dobët trupore që njihej si futbollist, tashmë ka shtuar në peshën e muskujve duke marrë një tjetër paraqitje.
Fiziku i tij i imët ka qenë një nga dobësitë edhe në kohën kur luante futboll, sipas disa ekspertëve, por që prej largimit nga futbolli profesionist ai ka punuar rregullisht në palestër.
Stërvitësi i Ozil publikonte kësaj jave disa video të punës së tyre me peshat, ku 35-vjeçari Ozil stërvitet me gira e shtanga për rritjen e muskujve.
Dashamirësit ishin të impresionuar me transformimin e tij dhe i sugjeronin se ndoshta duhet të nisë përsëri të luajë futboll.
Një prej tyre thoshte: “Me këtë formë duhet të rikthehesh në fushë për të luajtur dhe të paktën tre vjet”.
Një tjetër shkruante: “Ozil është duke marrë forcë për t’u rikthyer te Fenerbahce”.
Top Channel
