E ardhmja e Sirisë pas regjimit të al-Assad, Blinken takohet me ministrin e Jashtëm të Turqisë 28/12 21:03
Një shqiptar, i dënuar për shitje armësh, do të qëndrojë më shumë kohë pas hekurave, pasi përgjimet telefonike nxorën në pah një tjetër shkelje, atë të shitjes së lëndëve narkotike.
24-vjeçari Klejdi Kazani, u burgos për shtatë vjet në maj 2022 pasi u kap me një pistoletë dhe municione luftarake në Hertfordshire në gusht 2021.
Kazani dhe grupi i tij kriminal, që përbëhej nga bashkëkombës shqiptarë dhe një bullgar, u hetuan nga oficerët e Partneritetit të Krimit të Organizuar në Londër. Kazani pranoi akuzat për armë zjarri dhe u burgos ndërsa ekzaminimi i pajisjeve të tij celulare vazhdoi. Mesazhet nga telefoni treguan se ai furnizoi pothuajse 14 kilogramë kokainë me vlerë më shumë se 1 milion paund.
Provat telefonike çuan që Kazani të pranonte veprat e drogës dhe pastrimit të parave në tetor. Sot, në Gjykatën e Kurorës Southwark, ai u dënua me pesë vjet të tjera. Të gjithë bashkëpunëtorët e Kazanit janë dënuar edhe për veprat penale të drogës.
Shtetasi bullgar Emil Spasov, 33 vjeç, drejtonte makinën në momentin e arrestimit të Kazanit. Spasov, i cili transportoi 6.1 kilogramë kokainë në nëntë udhëtime, u burgos për pesë vjet e katër muaj. Për tregtimin e kokainës u dënuan dhe Olklen Perzhilla, Ervis Axhami, 37 dhe Mariklen Bello.
Sipas autoriteteve, Klejdi Kazani kishte lidhje me tregtarët e drogës në shumë vende dhe punësonte anëtarë të këtij grupi të krimit të organizuar për të përhapur kokainë në të gjithë Londrën dhe në juglindje.
Top Channel
