“Ka një dramë e një komedi për mësuesin”, intervista e veçantë e Artan Fugës në “Top Story”: Kemi një “tradhti” të elitave 25/11 23:02
Kombëtarja shqiptare e futbollit u mposht mbrëmjen e sotme në ndeshjen e dytë miqësore para nisjes së kampionatit europian.
Kuqezinjtë humbën me rezultatin 1:0 në stadiumin “Friends Arena” të Stokholmit në Suedi.
Kjo është disfata e dytë në tre ditë për të besuarit e Sylvinhos i cili mbrëmjen e sotme preferoi të ndryshonte edhe skemën duke luajtur me formacionin 4-4-3 me Brojën titular që prej fillimit.
Kombëtarja e nisi ndeshjen mirë, me një rast nga Broja i cili shpërtheu në një kundërsulm por u rrëzua brenda zonës së 11-metërshit duke pretenduar penallti që u mohua nga arbitri.
Në minutën 23 Broja shënoi gol por rezultoi offside.
Ndërsa pjesa tjetër e ndeshjes, ishte për t’u harruar pasi pavarësisht disa rasteve shumë të mira, kuqezinjtë nuk arritën të finalizojnë, duke e pësuar në minutën 61.
Në 22 mars, Kombëtarja shqiptare u mposht me rezultatin 3:0 nga Kili në Itali, duke treguar se pavarësisht kualifikimit në europian, ka ende shumë punë për të arritur të konkurrojë në nivele me skuadrat e mëdha.
Për të parë videon kur Broja pretendon për penallti klikoni: Këtu.
Formacionet:
Suedia (4-2-3-1): Olsen; Krafth, Staflelt, Lindelof, Augustinsoon; S. Olsson, Sam. Gustafson; Kulusevski, Forsberg, Isak; Nilsson Trajner: Jon Dahl Tomasson
Shqipëria (4-3-3): Strakosha; Mitaj, Mihaj, Gjimshiti, Balliu; Ramadani, Asllani, Laçi; Bajrami, Asani; Broja Trajner: Sylvinho.
Top Channel
