“Realizmi socialist”/ Disa vepra të ndërthurura me teknologjinë u përzgjodhën për një eksperiencë ndryshe
24/11 13:04
Muzeu Picasso Malaga në Spanjë prezantoi ekspozitën e tij të re “Pablo Picasso: Strukturat e shpikjes”, Uniteti i një vepre’, një koleksion prej 141 veprash nga Pablo Picasso.
Duke kombinuar piktura, vizatime, skulptura dhe qeramikë, ekspozita është planifikuar të zgjasë për tre vjet.
Qasja romantike e këtij prezantimi është e kombinuar me vlerën e madhe sentimentale të koleksionit, pasi “të gjitha këto vepra vijnë nga Picasso, që i krijoi gjatë gjithë jetës. Picasso i donte aq shumë këto vepra sa i ruajti të gjitha për vete, në shtëpinë e tij”, tha kuratori Michael FitzGerald.
Qëllimi i ekspozitës është “të krijojë një ndjenjë uniteti të veprës së Pikasos, e cila ndahet në periudha të ndryshme artistike si bluja, trëndafili apo kubizmi”, shpjegoi kuratori.
“Ne vendosëm të mos e ndiqnim atë ndarje, por ta kundërshtonim, sepse krijimtaria e Picasso-s ishte një proces shumë më kompleks, në të cilin ai kaloi nga një stil në tjetrin, duke shkuar përpara dhe mbrapa”.
Kështu, në ekspozitë, ka një përzierje të veprave, duke kombinuar krijimet e dekadave të ndryshme dhe është i organizuar në pesë ekspozita të vogla me tema të tilla si marrëdhënia e tij me skulpturën afrikane, pikturat dru, skulpturat në suva në vitet 1930, jeta në Paris gjatë Luftës së Dytë Botërore dhe paneli që krijoi për selinë e UNESCO-s.
Top Channel
