Dasma si në filma! Nusja dhe 2 mijë të ftuarit e prisnin në kishë, dhëndrit i vihen prangat bashkë me të ëmën (Detaje) 24/11 19:15
Gillian Bayford e cila ka fituar 148 milionë paundë me llotarinë milionere të vitit 2012 me ish-bashkëshortin e saj, tashmë raportohet se ka dëbuar bashkëshortin e ri Brian Deans, pasi i ka shpërdoruar miliona paundë duke e përdorur gruan si një “automat parash”.
Gillian e Adrian Bayford fituan lotarinë milionere në 2012 por gjërat ‘u thartuan’ pasi ata u ndanë rreth një vit e gjysmë më vonë.
Pesë vjet më parë ajo u martua me Brian Deans por tashmë e ka përzënë pasi sipas saj “shpërdoronte para sa majtas, djathtas” me makina të shtrenjta, pushime dhe udhëtime me miqtë e tij, shkruan rrjeti vendas TheMirror.
Burimet e gazetës thonin se gruaja i kishte caktuar një shumë mujore burrit të saj të ri por ai kthehej duke kërkuar përsëri para derisa sa gruaj i kërkoi të largohej nga shtëpia e tyre në Skoci.
Të njohurit thonin për mediat: “Brian e konsideronte Gillian një automat parash, asgjë më shumë. Ajo vazhdonte t’i jepte para gjithë kohës që martesa e tyre të vijonte.”
“Ajo nuk hezitonte edhe kur ai i kërkonte £20,000 por nuk kënaqej me asnjë shumë dhe donte gjithnjë e më shumë.”
“Mendoj se e përzuri tamam para se të ishte tepër vonë, pasi po të vazhdonte kështu do të kishin përfunduar në rrugë”.
Më herët Gillian tregonte se nuk komunikon me anëtarët e familjes së saj megjithëse u kishte paguar dhe atyre të gjitha borxhet në disa miliona paundë.
Ashtu si me bashkëshortin e saj, gruaja shton se shlyerja e borxheve të tyre duhet të bënte të gjithë të lumtur por i bëri ata më të etur e egoistë.
Gillian, e cila jeton tashmë në Dundee të Skocisë, tha: “Ata kanë harruar se nga vijnë, besojnë se mund të afrohen me njerëzit vetëm duke u terguar paratë dhe kjo më ka lënduar dhe mua, megjithëse u kam paguar të gjitha borxhet e bizneseve njëra pas tjetrës”.
Top Channel
